Вохӯрии коршиносон оид ба ҷаласаи қарибулвуқӯи Шӯрои вазирони корҳои дохилӣ дар Душанбе
ДУШАНБЕ, 24.05.2017. /АМИТ «Ховар»/. Дар шаҳри Душанбе вохӯрии коршиносони вазоратҳои корҳои дохилии (политсияи) давлатҳоои узви Иттиҳоди Давлатҳои Мустақил (ИДМ) оид ба омодагии ҷаласаи навбатии Шӯрои вазирони корҳои дохилии давлатҳои узви ИДМ, ки баргузории он ба наздикӣ дар шаҳри Душанбе дар назар аст, доир гардид.
Тавре аз Вазорати корҳои дохилии Ҷумҳурии Тоҷикистон хабар доданд, дар вохӯрӣ коршиносони Политсияи Ҷумҳурии Арманистон, вазоратҳои корҳои дохилии Тоҷикистон, Қазоқистон, Қирғизистон, Ӯзбекистон, Озарбойҷон, Беларус, Молдова, Федератсияи Россия, Бюрои ҳамоҳангсозии мубориза бар зидди ҷиноятҳои муташаккил ва дигар намуди ҷиноятҳои хавфнок дар ҳудуди ИДМ иштирок намуданд.
Муовини Вазири корҳои дохилии Ҷумҳурии Тоҷикистон Икром Умарзода иброз дошт, ки байни иштирокчиёни вохӯрӣ доир ба ҳолати мубориза бо ҷинояткорӣ, ҳамкорӣ оид ба масъалаҳои мубрами фаъолияти фаврӣ-ҷустуҷӯӣ, баррасии ҷараёни иҷрои қарорҳои қаблан қабулшуда оид ба мубориза бо терроризми байналмилалӣ, экстремизм, гардиши ғайриқонунии маводи мухаддир ва дигар чорабиниҳои муштараки мақомоти ҳифзи ҳуқуқ мубодилаи афкор сурат гирифт.
Зикр шуд, ки дар ҷараёни ҷаласаи Шӯрои вазирони корҳои дохилии давлатҳои узви ИДМ лоиҳаҳои як қатор санадҳои меъёрии ҳуқуқӣ ва ворид намудани тағйиру иловаҳо ба чанде аз санадҳо мавриди муҳокима қарор дода мешаванд.
Кишоварзони ноҳияи Ёвон дар 7500 гектар пунбадона кишт намуданд
Дар Донишкадаи саноат ва хизматрасонӣ доир ба инкишофи фанҳои табиатшиносӣ, дақиқ ва риёзӣ конференсия доир шуд
Аз ҷониби Кумитаи ҳифзи муҳити зист ба шаҳру ноҳияҳои Тоҷикистон 25 электромотороллер дастрас гардид
Бар асари бориши зиёд дар Бразилия панҷ нафар ҳалок ва 18 нафар бедарак шудаанд
Дар Чин шумораи бар асари фурӯравии қитъаи роҳи баландсуръат ҳалокшудагон ба 36 нафар расид
Хонандагони муассисаҳои таълимии Норак дар олимпиадаҳои байналмилалӣ соҳиби 35 медал шуданд
Имрӯз дар Тоҷикистон ҳаво тағйирёбандаи бебориш мешавад
Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
Бар асари гармои шадид дар Бангладеш 10 нафар ҳалок шуд
Дар Кения бар асари пайомадҳои обхезӣ дар як моҳ беш аз 160 нафар ба ҳалокат расид
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
