Ҷамъомади сохторҳои ғайриҳукуматии МҲТБО дар Пекин
ДУШАНБЕ, 28.06.2017 /АМИТ «Ховар»/. Ҳайати Тоҷикистон дар Конференсияи дуюми Форуми сохторҳои ғайриҳукуматии Машварат оид ба ҳамкорӣ ва тадбирҳои боварӣ дар Осиё (МҲТБО), ки 28-29 июни соли ҷорӣ дар шаҳри Пекин таҳти шиори «25-умин солгарди МҲТБО: баҳри амният ва рушди Осиё» баргузор мешавад, иштирок дорад.
Тавре аз Сафорати Тоҷикистон дар Чин хабар доданд, дар Форум наздики 300 нафар намояндагони Чин ва кишварҳои хориҷӣ, аз ҷумла собиқ сиёсатмадорони баландпоя, коршиносон, олимон, намояндагони ВАО ва созмонҳои ғайриҳукуматии давлатҳои аъзои МҲТБО ва кишварҳои нозири он ширкат меварзанд.
Дар маросими кушодашавии Форум аз ҷониби кишвари мизбон собиқ Вазири корҳои хориҷии Чин Ли Ҷаосин сухан гуфт. Ҳамчунин паёми табрикии Раиси Ҷумҳурии Мардумии Чин Си Ҷинпин ирсол гардид. Дар ҷаласаи васеи он аз ҳайати Ҷумҳурии Тоҷикистон собиқ Вазири корҳои хориҷии кишвар академик Талбак Назаров суханронӣ кард.
Дар назар аст, ки ҳашт мизи мудаввар дар мавзӯъҳои гуногун доир мегарданд.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
