Ҳаракати фарҳангии «Корвони китоб – 2017» идома дорад
ДУШАНБЕ, 16.06.2017 /АМИТ Ховар/. Бахшида ба 20-солагии Ваҳдати миллӣ ҳаракати фарҳангии «Корвони китоб – 2017» дар ҳамбастагӣ бо Корвони Ҳаракати Ваҳдати миллӣ, ки аз ҷониби Ҳаракати Ваҳдати миллӣ ва эҳёи Тоҷикистон роҳандозӣ мешавад, ба самти ноҳияи Файзобод, ҳамзамон ба навоҳии водии Рашт (Нуробод, Рашт, Тоҷикобод, Лахш), шаҳри Ваҳдат ва панҷ шаҳру ноҳияи вилояти Суғд (Айнӣ, Шаҳристон, Хуҷанд, Гулистон ва Бӯстон) аз 12 июни соли равон оғоз гардида, идома дорад.
Дар ин бора ба хабарнигори АМИТ «Ховар» аз Маркази матбуоти Вазорати фарҳанги Ҷумҳурии Тоҷикистон иттилоъ доданд. Манбаъ зикр кард, ки тайи чанд рӯзи ҳаракати фарҳангии «Корвони китоб – 2017» 38 номгӯи китоб, бо теъдоди 2315 нусха, ки китобҳои тозанашри солҳои 2016 – 2017 мебошанд ба дӯстдорони китоб фурӯхта шуда, ҳамчунин 1103 нусха китоб ба ноҳияи Файзобод ва ҷамъи навоҳии водии Рашт, 376 нусха ба шаҳри Ваҳдат ва 836 нусхаи дигар ба навоҳии вилояти Суғд туҳфа гардиданд.
Ҳамчунин аз ҷониби Ҳаракати Ваҳдати миллӣ ва эҳёи Тоҷикистон ба китобхонаҳои навоҳии мазкур 8 номгӯи китоб бо теъдоди 759 нусха, ки маблағи 19801 сомониро ташкил медиҳанд, тақдим гардид.
Ҳадаф ва моҳияти ин амал, пеш аз ҳама, рушду густариш, баланд бардоштани савияи дониш, маърифатнокии шаҳрвандон ва тарбияи маънавии сокинони ҷумҳурӣ мебошад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
