Барқияи табрикии Сарвазири Ҷумҳурии Исломии Покистон Муҳаммад Навоз Шариф ба Сарвазири Ҷумҳурии Тоҷикистон Қоҳир Расулзода

ДУШАНБЕ, 06.06.2017 /АМИТ “Ховар”/. Имрӯз Сарвазири Ҷумҳурии Исломии Покистон Муҳаммад Навоз Шариф ба Сарвазири Ҷумҳурии Тоҷикистон Қоҳир Расулзода ба муносибати 25-умин солгарди барпо намудани робитаҳои дипломатии ду кишвар барқияи табрикӣ ирсол намуд, ки дар он, аз ҷумла, омадааст:
«Муҳтарам Сарвазир,
Мехоҳам таманниёти самимии хешро ба муносибати 25-умин солгарди истиқрори муносиботи дипломатии байни ду кишвар иброз намоям. Дар тӯли 25 сол иқдомҳои пайгиронаи мо ба робитаҳои дуҷониба рушду таҳким бахшид. Боварӣ дорам, ки ин муносиботи мо ба манфиати мардуми кишварҳоямон хизмат хоҳад кард.
Робитаҳои таърихӣ, динӣ ва анъанавӣ барои рушди ҳамкориҳои минбаъдаи кишварҳои мо заминаи мустаҳкам хоҳанд гузошт. Иштироки кишвари Шумо дар 13-мин Саммити Созмони ҳамкориҳои иктисодӣ, ки дар моҳи марти соли равон дар шаҳри Исломобод баргузор гардид, уҳдадориҳои муштаракро ҷиҳати ба даст овардани сулҳу субот дар минтақа ба њузур овард.
Бањри баланд бардоштани сатњи равобит мо иқтидори васеи тиҷоратӣ ва сармоягузориро байни ду кишвар ва дар минтаќа амалӣ хоҳем кард.
Умедворам, робитаҳои наздик ва пайвандҳои шариконаи мо дар солҳои минбаъда устувор хоҳанд шуд.
Хоҳишмандам, муҳтарам Сарвазир, эҳтиромоти фоиқаи бандаро қабул фармоед».