Дар Фархор оид ба тозагии соҳил ҳашари дастаҷамъона доир карда шуд
ФАРХОР, 08.06.2017. /АМИТ«Ховар»/. Бахши ҳифзи муҳити зисти ноҳияи Фархор дар ҳамкорӣ бо Мақомоти иҷроияи ҳокимияти давлатии ноҳия баҳри тоза намудани ҷӯю соҳили дарёчаҳо ва беҳтар намудани вазъи экологии ноҳия рӯзҳои истироҳатӣ пайваста оид ба тоза кардани соҳилҳо ҳашарҳо доир мекунанд, ки дар онҳо доираи васеи сокинон иштирок менамоянд. Дар ҳашари навбатӣ сокинони маркази ноҳия ва корхонаю ташкилотҳо дастаҷамъона ширкат варзида, соҳили каналу заҳбур ва ҷӯйҳоро тоза намуданд.
Тавре сардори бахши ҳифзи муҳити зисти ноҳия Аҳлиддин Ҳаитов иттилоъ дод, «пешниҳоди Сарвари давлат оид ба эълони Даҳсолаи байналмилалии амал «Об барои рушди устувор» барои солҳои 2018-2028 ва қабули он шаҳрвандонро рӯҳбаланд гардонид. Сокинони ноҳияи мо кӯшиш доранд, ки соҳили каналу дарёҳоро тозаю озода нигоҳ доранд ва истифодаи самараноки онро ба роҳ монанд».
Ба иттилои манбаъ, аз ҷониби бахши ҳифзи муҳити зисти ноҳияи Фархор дар ин рӯз беш аз 50 мукааб партов ҷамъоварӣ ва кашонида шуд, ки дар ин кор техникаҳои боркашӣ ҷалб карда шуданд.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
