Дар минтақаи Рашт зиёда аз 100 тонна гандум бо нархи арзон ба аҳолӣ пешниҳод гардид

РАШТ, 28.06.2017 /АМИТ «Ховар»/. Корхонаи истеҳсоли орди Агентии захираҳои моддии давлатии назди Ҳукумати Ҷумҳурии Тоҷикистон дар ноҳияи Рашт бахшида ба ҷашни Ваҳдати миллӣ ва барои ба танзим даровардани нархи маҳсулоти хӯрока аз қабили шакар, равған, биринҷ макарон ва орди босифат   ба аҳолии  ҷамоати деҳоти Сағирдашт ва  ноҳияҳои Сангвор, Нуробод, Тоҷикобод ва Лахш  бо нархи арзон пешниҳод  намудааст.

Дар ин бора  масъулини корхонаи мазкур ба хабарнигори АМИТ «Ховар» иттилоъ доданд.

Корхонаи истеҳсоли орди Агентии захираҳои моддии давлатии назди Ҳукумати Ҷумҳурии Тоҷикистон дар ноҳияи Рашт ҳоло 460 тонна орд ва 2000 ҳазор тонна гандум захира дорад. Инчунин дар асоси дастуру супоришҳои Пешвои миллат муҳтарам Эмомалӣ Раҳмон, ки зимни сафари кориаш ба ноҳияҳои  водии Рашт дода буданд, зиёда аз 100 тонна гандум бо нархи арзон ба аҳолӣ  пешниҳод намудаанд.
Корхонаи истеҳсолии орд дар ноҳияи Рашт соли 2014 аз ҳисоби Агентии захираҳои моддии давлатии назди Ҳукумати Ҷумҳурии Тоҷикистон барои ба танзим даровардани нархи орд дар бозорҳои минтақаи Рашт таъсис ёфтааст.