Дар Суғд дар давраи таътили тобистона 20 лагери беруназшаҳрӣ фаъол гардонида мешавад
ХУҶАНД, 05.06.2017. /АМИТ «Ховар»/. Шурӯъ аз 12 июни соли равон истироҳатгоҳҳои тобистонаи вилояти Суғд дари худро ба рӯйи кӯдакону наврасон боз мекунанд. Бо мақсади фаро гирифтани мактабиён бо фароғати фаъол дар асоси Қарори раиси вилояти Суғд дар вилоят ситоди махсуси «Тобистон — 2017» таъсис ёфтааст.
Тавре ба АМИТ «Ховар» аз Шӯрои иттифоқҳои касабаи вилояти Суғд иттилоъ доданд, ба ситод роҳбарону масъулони ниҳодҳои масъули бахши истироҳати кӯдакону наврасон дар давраи таътил дохил карда шудаанд. Тибқи дастури раиси вилоят дар чаласаи дирӯза, ки бо иштироки муовини раиси вилоят Назира Ғаффорӣ доир гардид, масъулин вазифадор карда шуданд, ки то 5 июн ҳамаи корҳои сохтмонӣ, таъмир, муҷаҳҳазгардонии бино, майдончаҳои варзишӣ, ҳавзҳои оббозӣ ва сабзкориро дар лагерҳои варзишию солимгардонии беруназшаҳрӣ ба анҷом расонанд. Дар ин замина ҳамчунин ташкили самараноки истироҳати тобистона ва солимгардонии кӯдакону наврасонро дар лагеру фароғатгоҳҳо бо истифода аз имкониятҳои мавҷуда таъмин намоянд.
Ба иттилои манбаъ, дар давраи тобистони соли равон ба чорабиниҳои солимгардонӣ дар 20 лагери беруназшаҳрӣ, 544 лагери наздимактабӣ, 145 лагери истироҳатию меҳнатӣ, 200 лагери солимгардонӣ ва машғулиятҳои меҳнатӣ, 16 лагери варзишӣ-беҳдоштӣ фарогирии зиёда аз 72 ҳазор нафар кӯдакону наврасон ба нақша гирифта шудааст. Беш аз 1200 нафари онҳо кӯдакони ятиму бепарастор ва аз оилаҳои камбизоат буда, ройгон ба истироҳатгоҳҳо фаро гирифта мешаванд.
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
