Фарҳанги оиладорӣ «Зан ва зиндагӣ»
ДУШАНБЕ, 08.06.2017 /АМИТ «Ховар»/. Дар доираи татбиқи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» дирӯз дар шаҳри Норак бо ташаббуси бахши кор бо занон ва оилаи мақомоти иҷроияи ҳокимияти давлатии шаҳри Норак маҳфили фарҳангии оиладорӣ таҳти унвони «Зан ва зиндагӣ» доир гардид. Дар ин бора аз Мақомоти иҷроияи ҳокимияти давлатии вилояти Хатлон хабар доданд.
Дар маҳфил муовини раиси шаҳр, намояндагони шуъбаю бахшҳои дахлдори мақомоти иҷроия, тандурустӣ, кормандони ҳифзи ҳуқуку тартибот, занону духтарони корхонаю муассисаҳо, фаъолзанон ва занони хонаниши кӯчаю маҳаллаҳои ҷамоатҳои деҳоти Пули Сангину Дӯконӣ ва минтақаҳои манзилӣ иштирок доштанд.
Тавре ки мудири бахши кор бо занон ва оилаи мақомоти иҷроияи ҳокимияти давлатии шаҳр Сайлӣ Расулова зикр намуд, ҳар фарде агар ояндаи дурахшони кишварро орзу мекунад, месазад, ки қонуни мазкурро чонибдорӣ намуда, баҳри риоя ва амалӣ гаштани он камари ҳиммат бандад.
Зикр шуд, ки қабул ва иҷрои қонуни мазкур тақозои замону амри ногузир буда, аз таърихи фарҳангу адабиёти миллат маншаъ гирифта, мардумро ба таълиму тарбияи фарзанд, масъалаҳои таҳсили наврасон ва ҷавонон дар шароити ҷомеаи муосир, ташвиқу тарғиби ташаккули тарзи ҳаёти солим, пешгирии омилҳои номатлуб, аз қабили ҷинояткорӣ, тамоюлҳои иртиҷоӣ, бекоргардӣ, нашъамандӣ, нашъаҷаллобӣ ва муҳоҷирати ғайрирасмии меҳнатӣ ҳидоят мекунад.
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
