Хадамоти гумрук ба Мактаб — интернати шаҳри Ҳисор кумак кард

ДУШАНБЕ, 24.06.2017 /АМИТ «Ховар»/. Хадамоти гумруки назди Ҳукумати Ҷумҳурии Тоҷикистон бо мақсади ҳифзи иҷтимоию  маънавии  маъюбон, ки аз дастуру супоришҳои Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма мегирад, дар арафаи Иди саиди Фитр ва таҷлили 20 — солагии Ваҳдати миллӣ ба шахсони ниёзманд кумаки хайриявӣ расонид.

Тавре ба АМИТ «Ховар» аз Хадамоти гумрук хабар доданд, бошандагони  Мактаб — интернати низомаш махсуси деҳаи  Хирманаки   шаҳри   Ҳисор  аз  маводи хӯрока, аз қабили орд, равған, биринҷ, шакар, макарон ва дигар маводи ғизоӣ  баҳравар гардиданд.