Ҷилавгирӣ аз қочоқи «Русская водка» дар Бадахшон
ДУШАНБЕ, 06.06.2017 /АМИТ «Ховар»/. Гумрукчиёни тоҷик дар дидбонгоҳи гумрукии «Қизил Арт»-и Бадахшон аз қочоқи 720 адад шишаи арақи тамғаи «Русская водка»-и истеҳсоли Қирғизистон ҷилавгирӣ карданд.
Бинобар иттилои маркази матбуоти Хадамоти гумруки назди Ҳукумати Ҷумҳурии Тоҷикистон, ин миқдор арақи «Русская водка» ба шаҳрванди Ҷумҳурии Қирғизистон М.А, ки алҳол дар шаҳри Хоруғ муваққатан истиқомат дорад, мансуб буда, онро шаҳрванди 48 –солаи Ҷумҳурии Тоҷикистон О. А., ки сокини ноҳияи Мурғоб аст, тавассути воситаи нақлиёти сабукрави тамғаи УАЗ — 469, рақами қайди давлатиаш 06 КG 725 АА, бо роҳи қочоқ аз Қирғизистон ба Тоҷикистон ворид намудааст. Дар хабари мақомоти гумрук доир ба арзиши умумии миқдори зиёди машруботи спиртии мусодирашуда чизе гуфта нашудааст.
Дар асоси моддаи 577 Кодекси ҳуқуқвайронкунии маъмурии Ҷумҳурии Тоҷикистон нисбат ба афроди қонуншикан парвандаи маъмурӣ боз карда шуда, корҳои тафтишотӣ идома доранд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
