Имрӯз дар Тоҷикистон ҳаво тағйирёбанда ва ғуборолуд боқӣ мемонад
ДУШАНБЕ, 02.06.2017 /АМИТ «Ховар»/. Мувофиқи маълумоти мутахассисони Агентии обуҳавошиносии Тоҷикистон, имрӯз, 2 июн дар ҷумҳурӣ ҳавои тағйирёбанда шуда, дар баъзе ҳолатҳо чангу ғубор ба амал меояд.
Бар асоси пешгӯии ин марказ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, ҳарорати дар ғарби вилоят шабона 6-11 ва рӯзона 20-27 дараҷа гарм хоҳад шуд. Дар шарқи ин вилоят шабона аз -3 дараҷа хунук то +2 дараҷа гарм, рӯзона 10-15 дараҷа гарм мешавад.
Дар вилояти Хатлон низ ҳавои тағйирёбанда дар назар шудааст, шабона 17-22 ва рӯзона 34-39 дараҷа гарм хоҳад шуд.
Дар вилояти Суғд ҳаво абрнок шуда, дар водиҳо шабона 15-20 ва рӯзона 33-38 дараҷа гармӣ пешгӯӣ гардидааст.
Дар ноҳияҳои тобеи марказ ҳарорати ҳаво шабона 14-19 ва рӯзона 31-36 дараҷаро ташкил медиҳад.
Дар шаҳри Душанбе ҳаво тағирёбанда шуда, шабона 16-18 ва рӯзона 34-36 дараҷа гарм мешавад.