Мураббиёни варзидаи КФО дар Хоруғ машғулиятҳои омӯзишӣ баргузор менамоянд
ХОРУҒ, 12.06.2017. /АМИТ «Ховар»/. Мураббиёни варзидаи Конфедератсияи футболи Осиё дар шаҳри Хоруғ дар тӯли даҳ рӯз барои мураббиёни дастаҳои футболи Вилояти Мухтори Кӯҳистони Бадахшон ва футболбозони наврас давраҳои омӯзиширо баргузор менамоянд.
Тавре ба хабарнигори махсуси АМИТ «Ховар» дар ВМКБ аз Федератсияи футболи вилоят хабар доданд, барои омода кардани мураббиёни касбӣ бо даъвати Федератсияи футболи вилоят ва Раёсати ҷавонон, варзиш ва сайёҳӣ ду нафар мураббии касбӣ-Боир Эгамбердиев ва Элдар Раҳмоновро аз Конфедератсияи футболи ҷумҳурӣ ба шаҳри Хоруғ фиристонданд. Ва онҳо дар давоми даҳ рӯз ба футболбозон қоидаҳои футболи касбиро меомӯзанд. Ба қавли Боир Эгамбердиев шавқу рағбати ҷавонону наврасон ба ин бозӣ беандоза аст ва иддае аз онҳо маҳорати хуб ҳам доранд, аммо азбаски бо қоидаҳои маъмулии футболи муосир чандон ошноӣ надоранд, ҳангоми бозӣ ба иштибоҳҳо роҳ медиҳанд.
Пас аз анҷоми давраҳои омӯзишӣ чанд нафар аз беҳтарин мураббиёни даста соҳиби шаҳодатномаи мураббии касбии футбол мегарданд.
Имрӯз дар шаҳри Душанбе ҳаво то 33 дараҷа гарм мешавад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
Дар хоҷагиҳои шаҳри Ҳисор ҷамъоварии ҳосили пахта оғоз гардид
