Ошкор гардидани 855 адад телефонҳои мобилии бо роҳи қоҷоқ воридгардида
ДУШАНБЕ, 23.06.2017/АМИТ «Ховар»/. Аз ҷониби кормандони мақомоти гумруки Тоҷикистон дар панҷ моҳи соли равон 855 адад телефонҳои мобилӣ, ки бо роҳи қочоқ ба ҷумҳурӣ ворид карда шудааст, ошкор гардид. Гуфта мешавад, ки нисбат ба қонунвайронкунандагон як парвандаи ҷиноятӣ ва се парвандаи ҳуқуқвайронкунии маъмурӣ тартиб дода шудааст.
Маркази матбуоти Хадамоти гумруки ҷумҳурӣ иттилоъ медиҳад, ки дар ин давра якчанд ҳолатҳои марбут ба воридоти молҳои зераксизӣ, аз ҷумла наздик ба 310 килограмм маснуоти заргарӣ, 2,3 миллион литр сӯзишвории дизелӣ ва ду адад воситаи нақлиёт ошкор гардид. Инчунин дар ин давра беш аз 4,9 миллион сомонӣ молҳои гуногун ба расмияти гумрукӣ дароварда шуданд.
Ҳамзамон дар зарфи панҷ моҳи соли равон аз воридоти ғайриқонунии маҳсулоти қаннодӣ, шакар, равғани растанӣ, меваи хушк, доруворӣ ва дигар молҳои мавриди ниёзи аввал ҷилавгирӣ гардид. Дар натиҷа 826 парвандаи ҳуқуқвайронкунии маъмурӣ ва 18 парвандаи ҷиноятӣ оғоз карда шуд. Маблағи умумии ҷарима 915,7 ҳазор сомониро ташкил дода, ба андозаи 527,4 ҳазор сомонӣ молҳо мусодира карда шудаанд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
