«Осори Академияи ВКД Ҷумҳурии Тоҷикистон» ба низоми ягонаи илми ҷаҳонӣ ворид гардид
ДУШАНБЕ, 09.06.2017. /АМИТ «Ховар»/. Бо қарори махсуси Президиуми Комиссияи олии аттестатсионии Федератсияи Россия дар Феҳристи маҷаллаҳои тақризшаванда, ки дар онҳо асосан натиҷаҳои илмии тадқиқоти диссертатсионӣ ба нашр мерасанд, маҷаллаи илмии «Осори Академияи ВКД Ҷумҳурии Тоҷикистон» ворид карда шуд.
Тавре аз Вазорати корҳои дохилии Ҷумҳурии Тоҷикистон хабар доданд, эътироф гардидани маҷаллаи илмии «Осори Академияи ВКД Ҷумҳурии Тоҷикистон» аз ҷониби Комиссияи олии аттестатсионии Федератсияи Россия далели расман эътироф гардидани маҷаллаи мазкур ва ба низоми ягонаи илми ҷаҳонӣ ворид гардидани он мебошад. Маҷаллаи мазкур дастоварди беназир дар пешбурди фаъолияти илмӣ-тадқиқотии Академияи ВКД Ҷумҳурии Тоҷикистон ва умуман олимону донишмандони соҳаи илми ҷумҳурӣ маҳсуб шуда, метавонад барои омода намудани мутахассисони илмӣ-педагогӣ заминаи воқеӣ муҳайё созад.
Ба зикри манбаъ, дар самти ҳамкории байналмилалӣ низ саҳми маҷаллаи илмии мазкур назаррас мебошад. Дар он ҷиҳати тақвият бахшидани ҳамкории ВКД Ҷумҳурии Тоҷикистон бо кишварҳои хориҷӣ, аз ҷумла намояндагони Федератсияи Россия, Ҷумҳурии Қазоқистон, Ҷумҳурии Беларус ва дигар кишварҳои хориҷӣ мақолаҳои илмӣ-тадқиқотӣ ба нашр мерасанд. Ин омил метавонад ҳамчун табодули таҷриба барои инкишофи илми ҳуқуқшиносии муосир мусоидат намояд.
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
