Пешгирии ҳодисаҳои сӯхтор дар фасли тобистон: семинари Сарраёсати Хадамоти давлатии оташнишонии ВКД ҶТ
ДУШАНБЕ, 22.06.2017 /АМИТ «Ховар»/. Дирӯз бо ташаббуси Сарраёсати Хадамоти давлатии оташнишонии (СХДО) Вазорати корҳои дохилии Ҷумҳурии Тоҷикистон дар мавзӯи «Пешгирии ҳодисаҳои сӯхтор дар фасли тобистон» семинар доир гардид.
Тавре ба АМИТ «Ховар» аз ВКД ҶТ хабар доданд, муовини аввали сардори СХДО ВКД Қутфиддин Салоҳиддинзода вобаста ба камбудию норасоӣ ва мушкилоти зиддисӯхторие, ки дар муассисаҳои давлатии хоҷагии ҷангали Агентии хоҷагии ҷангали назди Ҳукумати Ҷумҳурии Тоҷикистон, хоҷагиҳои деҳқонӣ ва ҳудуди оромгоҳҳо ҷой доранд ва роҳу усулҳои самараноки муосири бартарафсозии онҳо ибрози андеша намуд.
Сардори Шуъбаи назорати давлатии бехатарӣ аз сӯхтори СХДО ВКД Фаррух Ҳалимзода дар баробари пешниҳодҳои зиддисӯхторӣ, инчунин тавсия дод, ки бо мақсади баланд бардоштани донишу малака ва маърифати ҳуқуқии коргарону хизматчиён ва аҳолӣ, ҷиҳати пешгирии ҳодисаҳои сӯхтор, бо ҷалби мутахассисон корҳои тарғиботию ташвиқотии зиддисӯхторӣ дар тамоми хоҷагиҳо ва маҳаллаҳои аҳолинишини наздик ба онҳо ҷойгиршуда мунтазам ба роҳ монда шаванд.
Дар семинар мутахассисон, кормандони Шуъбаи милитсия оид ба масъалаҳои экологии ВКД, масъулони Агентии хоҷагии ҷангал, директорону мутасаддиёни муассисаҳои давлатии хоҷагиҳои ҷангали ҷумҳурӣ, намояндаи Муассисаи давлатии Боғи ботаникии «Ирам», Муассисаи давлатии Раёсати оромгоҳҳо ва дигар шахсони мутасаддии хоҷагиҳои кишоварзӣ иштирок доштанд.
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Имрӯз дар баъзе ноҳияҳои Тоҷикистон туман мефарояд
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
