Рӯдакӣ: Гаравидани ҷавонону наврасон ба ҳизбу ҳаракатҳои ифротӣ пешгирӣ мешавад

РӮДАКӢ, 22.06.2017 /АМИТ «Ховар»/. Дирӯз дар Кохи фарҳанги ноҳияи Рӯдакӣ бо иштироки кормандони мақомоти ҳифзи ҳуқуқ  ва табақаҳои гуногуни аҳолӣ барои пешгирии роҳҳои гаравидани ҷавонону наврасон ба ҳизбу   ҳаракатҳои ифротӣ, инчунин иштирок дар набардҳои хунини ДИИШ  ҷамъомад доир гардид.

Дар  ҷамъомад падару модарони  ҷавононе, ки дар айни замон дар ин набардҳо иштирок доранд, аз ҳаёти  фарзандони гумроҳашон қиссаҳо намуда, аз ҷавонону наврасон даъват карданд, ки фирефтаи ваъдаҳои дурӯғини ин гурӯҳҳо нашаванд.

Таъкид гардид, ки пайравони ин гурӯҳҳо барои расидан ба мақсади нопоки худ тамоми усулҳои ҷалб карданро истифода мебаранд. Аз ин  хотир, моро зарур аст, ки ҳушёр бошем ва аз пайвастани ҷавонони ноогоҳ ва гумроҳи ҷомеа ба ин гурӯҳҳо ҷилавгирӣ намоем.