Раиси шаҳри Душанбе Рустами Эмомалӣ ба хизматчиёни ҳарбӣ калиди ҳуҷраҳои хуштарҳу замонавии зистро супорид
ДУШАНБЕ, 24.06.2017 /АМИТ «Ховар»/. Дар арафаи таҷлили ҷашни 20-солагии Ваҳдати миллӣ дирӯз Раиси шаҳри Душанбе Рустами Эмомалӣ дар маҳаллаи «Гипрозем»-и шаҳри Душанбе бинои панҷошёнаи истиқоматиро мавриди баҳрабардорӣ қарор дода, дар фазои идона ба 20 нафар хизматчиёни ҳарбии Вазорати мудофиаи Ҷумҳурии Тоҷикистон ва узви оилаҳои онҳо калиди ҳуҷраҳои хуштарҳу замонавии зистро супорид.
Тавре ба АМИТ «Ховар» аз Раёсати иттилоот ва робитаҳои хориҷии дастгоҳи Раиси шаҳри Душанбе хабар доданд, бинои мазкур аз як даромадгоҳи асосӣ ва хонаҳои як, ду ва сеҳуҷрагӣ иборат буда, дар он 20 манзили истиқоматӣ мавҷуд мебошад.
Иттилоъ дода шуд, ки сохтмони бинои истиқоматӣ бо дастгирии Пешвои миллат муҳтарам Эмомалӣ Раҳмон дар муддати кӯтоҳ мавриди истифода қарор дода шудааст. Ҳаҷми умумии корҳои сохтмонии иҷрогардида барои бунёди бинои истиқоматӣ 6 миллиону 280 ҳазор сомониро ташкил медиҳад. Бино дорои тамоми шароитҳои зисту зиндагонӣ мебошад.
Раиси шаҳри Душанбе Паёми шодбошии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба ифтихори ҷашни 20-солагии Ваҳдати миллӣ ба ҳозирин расонда, зикр намуд, ки масъалаи таъмини хизматчиёни ҳарбӣ бо манзили истиқоматӣ ҳамеша мавриди таваҷҷуҳи роҳбарияти давлату ҳукумати ҷумҳурӣ қарор дорад ва тайи ин солҳо баҳри иҷрои ин мақсад корҳои зиёд амалӣ шудааст.
Нархномаи хизматрасонии таъминоти оби нӯшокӣ барои ҳамаи истифодабарандагони пойтахт тағйир ёфт
Дар Душанбе 34-солагии Истиқлоли давлатӣ ботантана таҷлил гардид
Шоми имрӯз дар Душанбе ба муносибати 34-солагии Истиқлолияти давлатӣ барномаи фарҳангӣ доир мегардад
Даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» ҷамъбаст шуд
Аз ҷониби Раиси шаҳри Душанбе Рустами Эмомалӣ ба 5 ҳазор нафар кумакҳои пулию моддӣ расонида шуданд
Ба шарафи Рӯзи Истиқлолияти давлатии Тоҷикистон дар чор ноҳияи шаҳри Душанбе барномаҳои идона доир мегарданд
«НАҚШИ ВАҲДАТИ МИЛЛӢ ДАР ТАҲКИМИ ДАВЛАТДОРИИ МИЛЛӢ». Ба шарафи Рӯзи Истиқлолияти давлатӣ ҳамоиш доир шуд
DUSHANBE.TRAVEL. Портали сайёҳии шаҳри Душанбе муаррифӣ карда шуд
«ДОНИШ ВА СУЛҲ». Дар муассисаҳои таълимии шаҳри Душанбе соли нави таҳсил оғоз гардид
Дар Душанбе Намоишгоҳи байналмилалии сайёҳӣ баргузор мегардад
Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
