Рамазон Раҳимзода бо Олег Коновалов оид ба мубориза бар зидди ҷиноятҳои муташаккили фаромиллӣ суҳбат кард
ДУШАНБЕ, 02.05.2017 /АМИТ«Ховар»/. Дирӯз Вазири корҳои дохилӣ, генерал-лейтенанти милитсия Рамазон Раҳимзода бо директори Бюрои ҳамоҳангсозии мубориза бар зидди ҷиноятҳои муташаккил ва дигар намуди ҷиноятҳои хавфнок дар ҳудуди давлатҳои Иттиҳоди давлатҳои мустақил, генерал-лейтенанти политсия Олег Коновалов вохӯрӣ доир намуд.
Тавре аз Вазорати корҳои дохилии Ҷумҳурии Тоҷикистон хабар доданд, дар ҷараёни вохӯрӣ масоили ҳамкорӣ оид ба мубориза бар зидди ҷиноятҳои муташаккили фаромиллӣ, терроризм, экстремизм, гардиши ғайриқонунии маводи мухаддир ва дигар ҷинояткориҳо мавриди баррасӣ қарор гирифта, ҷонибҳо доир ба мавзӯъҳои гуногуни мавриди таваҷҷуҳ ибрози андеша намуданд.
Вохӯрӣ дар фазои дӯстию якдилӣ ва ҳамдигарфаҳмӣ доир гардида, ҷонибҳо баҳри тақвият бахшидани ҳамкории мутақобилан судманд дар ҷодаи мубориза бар зидди ҷиноятҳои муташаккил омодагии худро изҳор доштанд.
Бояд гуфт, ки Директори Бюрои мазкур генерал-лейтенанти политсия Олег Коновалов ҷиҳати иштирок дар ҷамъомади ҳайати роҳбарони воҳидҳои зиддитеррористии мақомоти ҳифзи ҳуқуқ ва хадамотҳои махсуси давлатҳои аъзои ИДМ ба Ҷумҳурии Тоҷикистон омада, натиҷаи даври якуми машқҳои якҷояи зиддитеррористиро, ки дар моҳи май дар ҳудуди 6 давлати аъзои ИДМ- Тоҷикистон, Арманистон, Беларус, Қазоқистон, Қирғизистон ва Россия баргузор гардид, ҷамъбаст намуданд.
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
