Сафирони кишварҳои гурӯҳи «Вишеград» ва Латвия аз шаҳри Истаравшан дидан намуданд
ДУШАНБЕ, 07.06.2017. /АМИТ «Ховар»/. Ҳайати сафирони кишварҳои гурӯҳи «Вишеград» (Полша, Венгрия, Словакия, Чехия) ва Латвия дар Ҷумҳурии Тоҷикистон (бо истиқоматгоҳ дар шаҳри Тошканди Ҷумҳурии Ӯзбекистон) ба шаҳри Истаравшан ташриф оварданд.
Тавре аз Мақомоти иҷроияи ҳокимияти давлатии шаҳри Истаравшан хабар доданд, меҳмонон аз маҷмааи ёдгорӣ — таърихии «Ҳазрати Шоҳ», аз ҷумла, аз манора, оромгоҳ, намозгоҳ, айвонҳои бо нақшу нигори миллӣ ороишёфта дидан намуданд.
Зимни шиносоӣ ба меҳмонон маълумот доданд, ки оромгоҳи «Ҳазрати Шоҳ» дар асри VII ва намозгоҳи он дар асри IX сохта шуда, то ҳол таҳкурсии он маҳфуз аст.
Меҳмонон дар Муассисаи давлатии «Коллеҷи ҳунаҳои мардумӣ» бо маҳсули дасти устодону донишҷӯён аз наздик шинос гардиданд. Диққати меҳмононро ҳунарҳои кандакорӣ, гулдӯзӣ, кордсозӣ, гаҷкорӣ ва мисгарӣ ба худ ҷалб намуд.
Ҳамчунин дар толори Коллеҷ аз ҷониби донишҷӯёни муассиса намоиши фарҳангӣ ва либосҳои миллӣ пешниҳод гардид.
Дар маҷмааи ёдгорӣ–таърихии «Савристон» меҳмонон бо дарахтони савр, ки ҳар кадоми он таърихи беш аз ҳазорсола дорад, аз низдик шинос гардиданд.
Инчунин меҳмонон аз Осорхонаи таърихию кишваршиносии шаҳр боздид ба амал оварда, нигораҳои таърихӣ, бозёфтҳои нодир, расму оинҳо ва либосҳои қадимии мардуми Истаравшани бостониро бо шавқ тамошо карданд.
Ҳайати меҳмонон ҳамчунин ба маҷмааи ёдгорӣ–таърихии «Сари мазор» ва Маркази фарҳангии «Ҳушанг» ташриф оварданд.
Дар маҷмааи ёдгорӣ – таърихии «Сари мазор» намозгоҳ, чиллахона, оромгоҳи бузургон ва чинорҳои 600 ва 800-соларо дида, доир ба таърихи ҳар яки онҳо маълумот гирифтанд.
Ҳунари кордсозӣ аз рӯи асарҳои таърихӣ, ки дар Маркази фарҳангии «Ҳушанг» ба намоиш гузошта шуда буд, диққати меҳмононро ба худ ҷалб кард.
Дар идомаи сафар меҳмонон аз Обанбори «Каттасой» ва Осоишгоҳи «Авитсенаи Истаравшан» дидан намуда, бо имконоти инфрасохтори сайёҳию истироҳатии онҳо шинос гардиданд.
Таъкид карда шуд, ки Обанбори «Каттасой» ва Осоишгоҳи «Авитсенаи Истаравшан» ҷиҳати ҷалби сайёҳони хориҷӣ мувофиқ буда, дар ҳама фасли сол истироҳату табобат дар онҳо имконпазир аст.
Дар охири сафар меҳмонон аз ҷараёни истеҳсол, коркард, басту банди обҳои ташнашикани ҶСП «Оби Зулол» дидан намуданд.
Меҳмонони хориҷӣ барои истиқболи гарму самимӣ ба роҳбарияти Мақомоти иҷроияи ҳокимияти давлатии шаҳри Истаравшан изҳори сипос намуданд.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
