Сокинони кишварро дар рӯзҳои истироҳатӣ тундбод ва боридани борону жола интизор аст
ДУШАНБЕ, 22.06.2017 /АМИТ «Ховар»/. Мувофиқи маълумоти мутахассисони Агентии обуҳавошиносии Тоҷикистон шурӯъ аз 24 то 25 июн дар кишвар ҳавои ноустувор, тундбод ва боридани борону жола ва раъду барқ пешгӯӣ карда мешавад.
Бар асоси пешгӯии Агентӣ, дар Вилояти Мухтори Кӯҳистони Бадахшон ҳаво тағйирёбанда шуда, дар бархе ноҳияҳо боридани борон ва баландшавии сатҳи оби дарёҳо дар назар дошта шудааст. Дар ғарби вилоят ҳарорати ҳаво шабона 14-19 ва рӯзона 25-30 дараҷа гарм шуда, дар шарқи ин вилоят бошад, шабона то 5 дараҷа ва рӯзона 11-16 дараҷа гарм мешавад.
Дар вилояти Хатлон ҳаво тағйирёбанда шуда, боридани борон ва раъду барқ пешгӯӣ мешавад. Ҳарорати ҳаво дар водиҳо шабона 23-28 ва рӯзона 34-39 дараҷа гарм мешавад. Дар вилояти Суғд ҳаво абрноки тағйирёбанда шуда, боридани борон ва раъду барқ дар назар дошта шудааст. Ҳарорати ҳаво шабона 21-26 ва рӯзона 30-35 дараҷа гарм мешавад.
Дар ноҳияҳои тобеи марказ ҳавои тағйирёбанда, боридани борон ва раъду барқ дар назар дошта шуда, гармии ҳарорати ҳаво шабона 19-21 ва рӯзона ба 35-37 дараҷа мерасад. Дар Душанбе гармии ҳарорати ҳаво дар рӯзи 24 аз 41 дараҷа якбора ба 35 мерасад.
Дар айни ҳол Кумитаи ҳолатҳои фавқулода ва мудофиаи граждании Тоҷикистон аз сокинон ва меҳмонон даъват мекунад, ки тайи ин рӯзҳо ҳангоми баромадан ба кӯча, мондани мошин дар таваққуфгоҳҳо ва гузаштан аз зери хатҳои барқ ва дарахтон эҳтиёткор бошанд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
