Таҷлили Рӯзи байналмилалии ҳифзи кӯдакон дар Душанбе бо барномаи фарҳангӣ-фароғатӣ оғоз гардид
ДУШАНБЕ, 01.06.2017 /АМИТ «Ховар»/. Ҳамасола якуми июн дар саросари ҷаҳон ҳамчун Рӯзи байналмилалии ҳифзи кӯдакон таҷлил карда мешавад. Ин яке аз идҳои муҳими байналмилалӣ мебошад, ки таҷлили он аз соли 1925 дар конфронси байналмилалӣ оид ба беҳбудии ҳаёти кӯдакон дар шаҳри Женеваи Швейтсария роҳандозӣ шудааст.
Дар Тоҷикистон Рӯзи байналмилалии ҳифзи кӯдакон тибқи Қонуни Ҷумҳурии Тоҷикистон «Дар бораи рӯзҳои ид» таҷлил карда мешавад.
Ба ин муносибат ин лаҳзаҳо дар Муассисаи давлатии фарҳангиву фароғатии «Аҳорун»- шаҳри Душанбе барномаи идонаи фарҳангиву фароғатӣ таҳти унвони «Мо ғунчаҳои баҳори Ваҳдатем» ҷараён дорад. Ин барнома тибқи қарори Раиси шаҳри Душанбе Рустами Эмомалӣ аз 25 майи соли 2017 «Дар бораи таҷлил намудани Рӯзи байналмилалии ҳифзи кӯдакон дар шаҳри Душанбе» роҳандозӣ гардид.
Дар барномаи фарҳангии мазкур, ки кӯдакону наврасони мактабҳои миёнаи шаҳри Душанбе иштирок доранд, ансамбли рақсии «Ғунчаҳои пойтахт»-и Раёсати фарҳанги шаҳри Душанбе, таълимгирандагони маҳфилҳои «Овозхонии эстрадӣ», «Рақс», «Асбобҳои зарбӣ» ва «Гитарнавозӣ»-и Муассисаи давлатии Маркази кӯдакону наврасони шаҳри Душанбе ва таълимгирандагони мактаби мусиқии ба номи А. Аминзода бо сурудҳои ватандӯстона ҳунарнамоӣ мекунанд.
Инчунин бахшида ба Рӯзи байналмилалии ҳифзи кӯдакон дар мактабҳои шаҳри Душанбе барномаҳои тарбиявию маърифатӣ роҳандозӣ шудаанд, ки то охири рӯз барои хотирмон таҷлил намудани ин рӯз манзури кӯдакону наврасон гардонида мешаванд.
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
