Тоҷикистон ва Чин шартномаи бозпас гардонидани маҳкумшудагонро тасдиқ намуданд

ДУШАНБЕ, 19.06.2017 /АМИТ «Ховар»/. Рӯзи 19 июни соли 2017 Сафири Фавқулода ва Мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода ва муовини Вазири корҳои хориҷии Ҷумҳурии Мардумии Чин Лю Ҷэнмин бо имзо намудани Протоколи дахлдор тасдиқномаҳоро оид ба тасдиқи Шартнома байни Ҷумҳурии Тоҷикистон ва Ҷумҳурии Мардумии Чин дар мавриди бозпас гардонидани маҳкумшудагон, ки 13 сентябри соли 2014 дар шаҳри Душанбе ба имзо расидааст, мубодила намуданд. Дар ин бора ба АМИТ «Ховар» аз Сафорати Ҷумҳурии Тоҷикистон дар Ҷумҳурии Мардумии Чин хабар доданд.

Тибқи муқаррароти моддаи 20-и Шартномаи дар боло номбурда, он дар рӯзи 30-юм баъди мубодилаи тасдиқномаҳо, яъне 19 июли соли 2017 эътибор пайдо менамояд.