Тозаю озода нигоҳ доштани ҳар як гӯшаи пойтахт вазифаи сокинони он мебошад
ДУШАНБЕ, 06.06.2017 /АМИТ «Ховар»/. «Табиати биҳиштосо ва рӯду дарёҳои мусаффои ватанро поку беолоиш нигоҳ медорем»-таҳти чунин унвон имрӯз дар кӯли фарҳангиву фароғатии «Ҷавонон» бахшида ба Рӯзи байналмилалии муҳити зист ҳашари дастаҷамъона баргузор гардид.
Тавре хабарнигори АМИТ «Ховар» иттилоъ дод, ҳашар бо ибтикори Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе ба роҳ монда шуд.
Мақсади ташкили ҳашарро муовини раиси ҲҲДТ дар ноҳияи Сино Изатулло Ҳабибзод дар тоза намудани соҳилҳои кӯл дар фасли тобистон ва ба ин васила ҳифзи муҳити экологии маконҳои фарҳангиву фароғатӣ арзёбӣ намуд.
Дар ҳашар аъзои Ташкилоти ҷамъиятии ҷавонон «Созандагони Ватан» фаъолона иштирок намуда, атрофи соҳили кӯлро аз ҳар гуна партовҳои маишӣ тоза намуданд.
Бояд зикр намуд, ки кӯли фарҳангиву фароғатии «Ҷавонон» дар фасли гармо яке аз маконҳои зебо барои истироҳату фароғати сокинону меҳмонони пойтахт ба шумор меравад.
Ҳамарӯза сокинон ва меҳмонон аз ин макони дилкаш дидан намуда, дар соҳили кӯл зери дарахтони сояафкану ороишӣ истироҳат менамоянд ва тозаву озода нигоҳ доштани ҳар як гӯшаи пойтахт вазифаи сокинони он ба ҳисоб меравад.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
