Варзишгари тоҷик дар Ҷоми Аврупо мақоми панҷумро соҳиб гашт
ДУШАНБЕ, 08.06.2017. /АМИТ«Ховар»/ Сомон Маҳмадбеков, варзишгари тоҷик дар Ҷоми кушоди Аврупо оид ба дзюдо миёни ҷавонон дар вазни -66 кило сазовори ҷои панҷум гардид. Дар ин бора ба АМИТ «Ховар» аз Кумитаи миллии олимпии Тоҷикистон хабар доданд.
Бояд зикр кард, ки ин мусобиқа дар шаҳри Лейбнизи Австрия бо иштироки 516 (298 мард, 218 зан) варзишгар аз 28 кишвар баргузор шуд. Сомон, ки ягона намояндаи Тоҷикистон дар ин мусобиқа буд, дар даври муқаддамотӣ Омер Шайман (Исроил), Иброҳим Алиев (Озарбойҷон), Самуел Фаскинато (Италия)-ро шикаст дода, ба даври нимфиналӣ баромад. Вале дар нимфинал аз варзишгари дигари Италия Луигӣ Бруддетӣ шикаст хӯрд. Дар рақобат барои ҷои сеюм аз варзишгари булғорӣ Денислав Иванов мағлуб гашта, ҷои панҷумро ишғол кард.
Дар ҳисоби даставӣ Япония бо 4 медали тилло ва як биринҷӣ сазовори ҷои аввал гашт. Россия бо 2 медали тилло, 2 нуқра, 4 биринҷӣ ҷои дуюм, Қазоқистон бо 2 медали тилло, 1 нуқра, 2 биринҷӣ мақоми сеюмро ишғол карданд. Тоҷикистон бо як ҷои панҷум миёни 28 кишвари иштирокчӣ ҷои 21-умро касб кард.
Ёдовар мешавем, ки Сомон Маҳмадбеков моҳи апрели соли равон дар Ҷоми Африқо сазовори медали тилло гардида буд. Ӯ таҳти назари мураббиёнаш Эргаш ва Фотеҳ Маҳмадбековҳо дар шаҳри Иркутски Федератсияи Россия тамрин мекунад.
Дар Москва бахшида ба Рӯзи Ваҳдати миллӣ Мусобиқа оид ба футболи хурд таҳти унвони «Ҳамбастагӣ-2026» баргузор шуд
Дар ноҳияи Шаҳринав Маркази рушди бокс ва майдони варзишӣ ба истифода дода шуд
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
