Вохӯрӣ бо бонувони ҳунарманди шаҳри Ваҳдат
ДУШАНБЕ, 08.06.2017 /АМИТ «Ховар»/. Дар бораи ҷалби духтарон ба таҳсил, пешгирии бегонапарастӣ ва дигар масъалаҳо, Раиси Кумитаи кор бо занон ва оилаи назди Ҳукумати Ҷумҳурии Тоҷикистон Идигул Қосимзода дар фабрикаи дӯзандагии «Ёқут»-и шаҳри Ваҳдат бо иштироки зиёда аз 250 нафар занону духтарон вохӯрӣ баргузор намуд. Дар ин бора аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Дар ҷамъомад И. Қосимзода ҳозиринро бо 20-умин солгарди Ваҳдати миллӣ табрик намуда, занонро барои татбиқи босамари Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросимҳо дар Ҷумҳурии Тоҷикистон» даъват намуд. Зикр шуд, ки тарбияи дурусти фарзанд ва сарфаю сариштакорӣ дар хонадон ба зиммаи зан аст. Маҳз зан-модар метавонад фарзандони солим тарбия намояд.
Ҳамчунин зимни суҳбат Раиси Кумита ба арҷ гузоштан ба суннату анъанаҳои аҷдодӣ, эҳтироми ҳамдигар, муҳаббати самимӣ ба аъзои хонавода, ҳамчун фарзанд қабул намудани келину домод ва зоҳир намудани муҳаббати самимии падаронаю модарона ба онҳо, мустаҳкаму солим нигоҳ доштани оилаҳо ва шукргузорӣ аз ободиву осудагии Ватани биҳиштосо таваҷҷуҳи хоса зоҳир намуд.
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
