Дар Донишгоҳи миллии Тоҷикистон барои баланд бардоштани сифати таълим тадбирҳои мушаххас андешида шудаанд
ДУШАНБЕ, 11.07.2017 /АМИТ «Ховар»/. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои баланд бардоштани сифати таълим, омӯзиши забонҳои хориҷӣ, технологияҳои иттилоотӣ ва аз худ намудани илмҳои дақиқ ҳамеша диққати махсус зоҳир менамоянд ва дар ин раванд ба масъулини соҳа дастуру супоришҳои мушаххас медиҳанд.
Дар Донишгоҳи миллии Тоҷикистон бо мақсади мунтазамсозии раванди тайёр кардани мутахассисони соҳаи технологияи иттилоотӣ барои Ҷумҳурии Тоҷикистон ва дар хориҷи кишвар омода намудани мутахассисони баландихтисоси соҳаи технологияи коммуникатсионӣ факултети муштараки «Технологияи информатсионӣ»- и Донишгоҳи давлатии Беларус ва Донишгоҳи миллии Тоҷикистон таъсис дода шудааст. Ин нуктаро имрӯз муовини аввали ректори Донишгоҳи миллии Тоҷикистон Абдусалом Миралиев зимни нишасти матбуотӣ дар ҳузури хабарнигорон баён дошт.
Тавре мухбири АМИТ «Ховар» иттилоъ медиҳад, номбурда инчунин зикр кард: «Мувофиқи шартномаи тарафайн дар факултети технологияи иттилоотии муштараки Тоҷикистон-Беларус донишҷӯён аз рӯи ихтисосҳои амнияти компютерӣ ва технологияи иттилоотӣ ба таҳсил фаро гирифта шудаанд, ки ин дар оянда ба таъмин намудани кадрҳои болаёқат дар самти амнияти компютерӣ ва технологияи иттилоотии Тоҷикистони соҳибистиқлол мусоидат хоҳад кард».
«Бо мақсади тақвият бахшидан ба идоракунии сифати таҳсилот, шурӯъ аз 16 январи соли 2017 дар сохтори таркибии Маркази тестӣ ва мониторинги сифати таълими Донишгоҳи миллии Тоҷикистон бахши идоракунии сифати таҳсилот таъсис дода шуд, ки дар баргузор намудани минбаъдаи мониторинги сифати таълим дар факултетҳои он саҳмгузор гардид», — гуфт Абдусалом Миралиев.
Зикр шуд, ки Донишгоҳи миллии Тоҷикистон ҳамчун яке аз донишгоҳҳои пурқувваттарин ва дорои базаи бойи илмии Ҷумҳурии Тоҷикистон шинохта шуда, дар олимпиадаҳои ҷумҳуриявию байналмиллалӣ дастпаварони он сазовори ҷойҳои ифтихорӣ мегарданд ва ин боиси дар арсаи байналмилалӣ муаррифӣ намудани раванд ва рушд кардани илми тоҷик мегардад.
Дар ноҳияи Шаҳринав толори хурди варзишии футбол ба истифода дода шуд
Имрӯз дар баъзе минтақаҳои Тоҷикистон борони кӯтоҳмуддат меборад
ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
