Дар Мастчоҳ маҳфили «Кадбону» баргузор гардид
ДУШАНБЕ, 25.07.2017 /АМИТ «Ховар»/. Тибқи нақшаи чорабиниҳои Мақомоти иҷроияи ҳокимияти давлатии ноҳияи Мастчоҳ бахшида ба Соли ҷавонон дар чойхонаи миллии Азим Шариф маҳфили ноҳиявии «Кадбону» баргузор гардид.
Тавре аз мақомоти иҷроияи ҳокимияти давлатии ноҳия хабар доданд, дар маҳфил духтарону бонувони ҳунарманд аз ҳамаи ҷамоатҳои шаҳраку деҳоти ноҳия ҳунарҳои дастӣ, чун атласу адрасбофӣ, кашидадӯзӣ, сӯзанидӯзӣ, гилембофӣ, риштаресии дастӣ ва хӯрокҳои маҳаллию миллиро пешниҳоди иштирокчиён ва меҳмонон намуданд.
Раиси ноҳия Ғайрат Азиззода зимни боздид аз ҷараёни маҳфил бо кадбонуҳо суҳбати самимӣ ороста, онҳоро ба эҳёву рушди ҳунарҳои миллӣ ва гиромидошти он даъват намуд.
Бояд ёдовар шуд, ки қаблан чунин маҳфил дар сатҳи ҷамоатҳои шаҳраку деҳот баргузор гардида буд ва беҳтаринҳо ба даври ноҳиявӣ роҳхат гирифтанд. Иштирокчиёни фаъоли маҳфил бо туҳфаҳои хотиравии Мақомоти иҷроияи ҳокимияти давлатии ноҳияи Мастчоҳ қадрдонӣ гардиданд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
