Дар ноҳияи Файзобод коргоҳи адрасбофӣ ба истифода дода шуд
ФАЙЗОБОД, 05.06.2017 /АМИТ «Ховар»/. Дар деҳаи Чилчашмаи ҷамоати деҳоти Бӯстони ноҳияи Файзобод аз ҳисоби соҳибкор Холмирзо Шаропов коргоҳи адрасбофӣ ба фаъолият оғоз намуд, ки дар баробари истеҳсоли адрас, ҳамчунин 15 нафар аз занону духтарони маҳаллӣ ба тарзи бофтани адрас ҷалб гардиданд.
Роҳбари Маркази таълимии калонсолони Тоҷикистон дар ноҳияи Файзобод Фатҳуддин Нуров ба хабарнигори АМИТ «Ховар» иброз намуд, ки занону духтарон пас аз омӯхтани ин касб дар ҳамин коргоҳ ба кори доимӣ таъмин гардида, ба истеҳсоли адрас машғул мешаванд.
Матое, ки дар оянда корхонаи мазкур истеҳсол мекунад, 100 фоиз аз риштаи пахтагин буда, ба саломатии инсон безарар аст ва талабот ба ин гуна матоъҳо дар ҷумҳурӣ ва ноҳия хеле зиёд аст. Аз ин лиҳоз Мақомоти иҷроияи ҳокимияти давлатии ноҳияи Файзобод тасмим гирифтааст, ки бо дастгирии соҳибкорон ва барои таъсиси ҷойҳои нави корӣ сафи чунин корхонаҳоро зиёд намояд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
