Донишгоҳи технологии Тоҷикистон бо 70 донишгоҳи хориҷӣ созишномаҳои ҳамкорӣ ба имзо расонидааст

ДУШАНБЕ, 14.07.2017./АМИТ «Ховар»/ Донишгоҳи технологии Тоҷикистон то имрӯз бо зиёда аз 70 муассисаҳои таҳсилоти олии кишварҳои хориҷӣ, аз ҷумла Россия, Белорус, Германия ва Қазоқистон  созишномаҳои ҳамкорӣ ба имзо расонидааст, зикр намуд роҳбарияти Донишгоҳ зимни нишасти матбуотӣ дар ҳузури рӯзноманигорон.

«Дар шаш моҳи соли равон донишгоҳи мо зиёда аз 50 нафар омӯзгорон, кормандон ва донишҷӯёнро барои таҷрибаомӯзӣ,сайқали маҳорати касбӣ ва баланд бардоштани савияи тахассусӣ ба мактабҳои олӣ ва марказҳои таълимӣ – таҷрибавии кишварҳои Аврупо ва Осиё равона намуд, ҳамчунин айни замон дар Донишгоҳ 12 нафар донишҷӯёни хориҷӣ таҳсил менамоянд», зикр намуд муовини ректор оид ба корҳои таълим Маҳмуд Тошматов.