«I LOVE DUSHANBE» — «МАН ДУШАНБЕРО ДӮСТ МЕДОРАМ». Пойтахти Тоҷикистон соҳиби боз як макони нави меҳмоннавозӣ гардид!
ДУШАНБЕ, 27.07.2017 /АМИТ «Ховар»/. Чанде пеш дар пойтахти мамлакат обидаи нави меъморӣ бо номи «I love Dushanbe» («Ман Душанберо дӯст медорам») ифтитоҳ гардид. Лоиҳаи нави меъморӣ дар дохили маҷмааи «Диёри Душанбе», воқеъ дар наздикии Кӯли ҷавонон устувор карда шудааст.
Обидаи «I love Dushanbe» аз ҷониби ширкати «Қатар- Диёр- Тоҷикистон» ҳамчун як навъ рамзи изҳори муҳаббат ба пойтахти кишварамон гузошта шуд. Корҳо дар самти эҷоди он чанд моҳ пеш оғоз гашта, дар мавриди маҳз дар ин макон гузоштани ин маҷмаа қаблан иттилоъ пахш нашуда буд. Тавре намояндаи «Қатар- Диёр-Тоҷикистон» ба хабарнигори АМИТ «Ховар» изҳор дошт: «Мо хостем бо ин роҳ ба сокинони пойтахт туҳфае тақдим намоем. Ин гуна маҷмаа дар ҳоли ҳозир дар бештари шаҳрҳои пешрафтаи ҷаҳон мавҷуданд ва онҳо на танҳо диққати сайёҳон, балки сокинони худи шаҳрҳоро низ ба худ ҷалб мекунанд. Мо хостем бо гузоштани ин гуна обидаи барои шаҳрамон ғайриоддӣ дар ободу зебо гардонидани пойтахтамон дар Соли ҷавонон саҳмгузор бошем».
«Ба андешаи мо ин обида метавонад яке аз намунаҳои хуби меҳмоннавозие гардад, ки на танҳо диққати сокинони кишвар, балки сайёҳони хориҷиро низ ба худ ҷалб кунад. Президенти мамлакат, Пешвои миллат, муҳтарам Эмомалӣ Раҳмон ҳамеша таъкид медоранд, ки мо бояд бахши сайёҳиро рушд диҳем. Мо бар он фикрем, ки ин обида дар мисоли дигар нуқтаҳои зебои шаҳрамон яке аз нуқтаҳои боздиди сайёҳон мегардад», -зикр намуд намояндаи ширкат.
Дар наздикии обидаи баландиаш 2,5 метраи «Ман Душанберо дӯст медорам» фаввора насб гардидааст, ки тӯли рӯз фаъол аст. Дар давоми ду рӯз зиёда аз садҳо нафар тамошобинон ба ин маҷмаа омада, лаҳзаҳои зебои худро дар «Диёри Душанбе» акс гирифтаанд. Дар шабакаҳои иҷимоӣ шумораи зиёде аз корбарон барои таъсиси ин гуна лоиҳаи хуби меҳмоннавозӣ дар пойтахти кишвар изҳори сипос намудаанд.
Ширкати «Қатар-Диёр-Тоҷикистон» озмуни беҳтарин аксеро, ки дар назди ин маҷмаа гирифта шудааст, эълон кардааст. Ин озмун дар шабакаҳои иҷтимоӣ ҷараён гирифта, дар он иштирокчие ғолиб дониста мешавад, ки аксҳои ӯ аз ҳама шумораи бештари «писандидашуда»-ро гирад.
Озмун то 5 август идома меёбад.
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
