Ифтитоҳи бинои нави шуъбаи маорифи ноҳияи Балҷувон
ДУШАНБЕ, 27.07.2017. /АМИТ «Ховар»/. Дар доираи сафари корӣ дар ноҳияи Балҷувони вилояти Хатлон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои нави шуъбаи маорифи ноҳияро мавриди баҳрабардорӣ қарор доданд.
Бинои мазкур аз се ошёна иборат буда, тибқи талаботи меъмории замони муосир бунёд ёфтааст. Тарҳи ин бинои бошукуҳро дар асоси фармоиши Вазорати маориф ва илми Ҷумҳурии Тоҷикистон Ҷамъияти дорои масъулияти маҳдуди “Абрис” таҳия кардааст. Корҳои сохтмониро мутахассисон ва сохтмончиёни Ҷамъияти дорои масъулияти маҳдуди “Фараҳноз” анҷом додаанд.
Бинои нави шуъбаи маорифи ноҳияи Балҷувон аз ҳисоби маблағҳои буҷаи ҷумҳуриявӣ дар масоҳати умумии 0,2 гектар сохта шудааст. Арзиши лоиҳавии он маблағи 2 миллиону 170 ҳазор сомониро ташкил медиҳад, ки аз ин миқдор маблағи 264 ҳазор сомонӣ танҳо барои ҷиҳозонидани утоқҳои бино бо таҷҳизотҳои зарурии соҳавӣ сарф гардидааст.
Дар ошёнаҳои якум ва дуюми бино 12 утоқи корӣ ҷойгир аст, ки ҳар яки он бо мизу курсии нав, ҷевонҳо, компютер ва дигар ашёи зарурӣ таъмин шудааст. Дар ошёнаи сеюм бошад, як маҷлисгоҳи барҳаво бо 80 ҷойи нишаст ва се утоқи меҳмонхона, ки дар онҳо тамоми шароити арзанда барои зист фароҳам оварда шудааст, воқеъ мебошад.
Дар рафти корҳои сохтмонӣ дар бинои шуъбаи маорифи ноҳияи Балҷувон зиёда аз 40 коргари маҳаллӣ бо ҷойи кори мавсимӣ ва музди меҳнати баланд таъмин гаштанд.
Пешвои миллат муҳтарам Эмомалӣ Раҳмон ҳангоми боздид аз утоқҳои ин бино ва шиносоӣ бо шароитҳои мавҷудаи корӣ, иброз намудаанд, ки минбаъд бо истифода аз чунин шароиту имкониятҳо мутахассисони соҳаи маорифи ноҳия ҷаҳду талоши худро баҳри баланд бардоштани сатҳу сифати таълиму тарбия ва донишандӯзии хонандагон дар мактабҳои ноҳия дучанд намоянд.
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
Сарвари давлат Эмомалӣ Раҳмон бинои маъмурии Кумитаи иҷроияи Ҳизби Халқии Демократии Тоҷикистонро дар ноҳияи Ҷаббор Расулов мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷаббор Расулов ба таври фосилавӣ 6 иншооти истеҳсолию хизматрасониро ба истифода доданд
Пешвои миллат Эмомалӣ Раҳмон дар ноҳияи Ҷаббор Расулов бинои нави Шуъбаи маорифи ноҳияро ба истифода доданд
