Имрӯз дар кишвар ҳавои тағйирёбанда боқӣ монда, ҳарорат дар баъзе минтақаҳо ба 41 дараҷа мерасад

ДУШАНБЕ, 29.07.2017 /АМИТ «Ховар»/. Имрӯз, 29 июл дар ҷумҳурӣ ҳавои тағйирёбанда шуда, дар баъзе минтақаҳо ҳарорат ба 41 дараҷа мерасад.

Мувофиқи маълумоти мутахассисони Агентии обуҳавошиносии Тоҷикистон, имрӯз дар Вилояти Мухтори Кӯҳистони Бадахшон ҳарорат 34-36 дараҷаро ташкил медиҳад.

Гармии ҳаво дар вилояти Хатлон тағйирёбанда буда, то ба 39-41 дараҷа мерасад.

Дар вилояти Суғд ҳарорати ҳаво 35 -47 дараҷаро ташкил медиҳад.

Дар ноҳияҳои тобеи марказ ҳавои абрнок шуда, ҳарорат дар водиҳо ба 35-40 дараҷа мерасад.

Ҳарорати ҳаво дар шаҳри Душанбе ба  38 –40 дараҷа мерасад.

Ба иттилои Агентии обуҳавошиносии Тоҷикистон, 30 июл дар ҷумҳурӣ ҳаво тағйирёбанда боқӣ монда, дар баъзе минтақаҳо ҳарорат ба 42 дараҷа мерасад.

Мувофиқи маълумоти мутахассисони Агентии обуҳавошиносии Тоҷикистон, дар Вилояти Мухтори Кӯҳистони Бадахшон ҳаво тағйирёбанда шуда, дар баъзе минтақаҳо ҳавои абрнок дар назар аст. Гармии ҳаво рӯзона ба 32-34 дараҷа расида, шабона 13-15 дараҷаро ташкил медиҳад. Дар вилояти Хатлон ҳаво камабр буда, дар водиҳо 40-42 дараҷа гарм мешавад. Дар вилояти Суғд ҳаво тағйирёбанда шуда, ҳарорати ҳаво 37 -39 дараҷаро ташкил медиҳад.

Ҳарорати ҳаво дар ноҳияҳои тобеи марказ ба 35-40 дараҷа мерасад. Дар шаҳри Душанбе ҳавои тағйирёбанда дар назар дошта шуда, гармии ҳаво шабона 18-20 дараҷа буда, рӯзона то ба 39 –40 дараҷа мерасад.