Иштироки донишмандони тоҷик дар ҳамоиши байналмилалии «Мирзо Бедил ва мероси ӯ» дар Панҷоб

Июль 31, 2017 12:01

ДУШАНБЕ, 31.07.2017 /АМИТ «Ховар»/. Бо ибтикори Анҷумани равобити фарҳангии Ҳинд (ISSR) дар Донишгоҳи Панҷоб, воқеъ дар шаҳри Чандигарҳи кишвари Ҳиндустон ҳамоиши байналмилалии «Мирзо Бедил ва мероси ӯ» доир гардид. Дар кори он бедилшиносон аз кишварҳои мухталифи дунё, аз ҷумла Тоҷикистону Ӯзбекистон, Афғонистону Эрон ва Ҳиндустон ширкат варзиданд.
Тавре аз Донишгоҳи давлатии Хуҷанд ба номи академик Бобоҷон Ғафуров хабар доданд, Тоҷикистонро дар ҳамоиш вакили Маҷлиси намояндагони Маҷлиси Олии Ҷумҳурии Тоҷикистон, доктори илмҳои фалсафа, профессор Насиба Содиқова ва сардори Раёсати илм ва инноватсияи ДДХ, номзади илмҳои филологӣ Нуралӣ Нурзод намояндагӣ намуданд.
Дар ҷаласаи ифтитоҳии ҳамоиш меҳмонон Бедилро аз ифтихороти на танҳо форсизабонон, балки мардуми Ҳинд низ унвон намуданд. Таъкид гардид, ки воқеан мероси адабии ӯ имрӯз ҳам ба таҳқиқу баррасии амиқтар ва ҳам тарҷума ниёз дорад.
Ба иттилои манбаъ, дар доираи баргузории ҳамоиши байналмилалӣ бар асоси ашъори Бедил таҳти унвони «Тарзи Бедил» барномаи консертӣ ва ҳамзамон бар пояи рӯзгор ва осори суханвар бо номи «Достони Бедил» бо забонҳои тоҷикӣ ва урду спектакл намоиш дода шуд.

Июль 31, 2017 12:01

Хабарҳои дигари ин бахш

СОЛИ МАЪРИФАТИ ҲУКУҚӢ. Ба ин муносибат дар Донишгоҳи байналмилалии сайёҳӣ ва соҳибкории Тоҷикистон ҳамоиш баргузор шуд
Дар Душанбе дар мавзуи «Таҷдиди Саҳми дар сатҳи миллӣ муайяншудаи Тоҷикистон дар соли 2025» ҳамоиш доир гардид
Ба Узбекистон бо интернети мобилӣ аз «Анор»!
Дар Академияи миллии илмҳои Тоҷикистон бахшида ба Рӯзи Ваҳдати миллӣ ҳамоиш баргузор шуд
Ширкати «IRS»: «Шумораи техникаҳои пойгоҳи техникӣ ба 228 адад расид»
ДУРНАМОИ ҲАМКОРИИ ТОҶИКИСТОНУ ЧИН. Дар Душанбе дар ин мавзуъ конфронси байналмилалӣ доир мегардад
Дар Тоҷикистон ҳавои тағйирёбанда пешгӯӣ мешавад
Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд