Кишоварзони вилояти Хатлон дар ҷамъоварии ҳосили ғалладонагиҳо пешсафанд
ДУШАНБЕ, 08.07.2017 /АМИТ «Ховар»/. Имрӯзҳо дар ҷумҳурӣ маъракаи ҷамъоварии ҳосили ғалладонагиҳо босуръат идома дорад.
Тибқи иттилои Вазорати кишоварзии Ҷумҳурии Тоҷикистон, то 3 июли соли равон кишоварзон тавонистанд ҳосили майдони 138 ҳазору 997 гектарро сари вақт ва беталаф ҷамъоварӣ намоянд, ки он дар маҷмуъ 432 ҳазору 787 тоннаро ташкил додааст.
Имсол кишоварзони вилояти Хатлон дар ҷамъоварии ҳосили ғалладонагиҳо пешсаф буда, ҳосили 94 ҳазору 134 гектарро ҷамъоварӣ намуданд. Ҳосили умумии ҷамъоваришуда 338 ҳазору 396 тоннаро ташкил медиҳад, ки иҷрои нақшаро 68 % таъмин мекунад.
Мавриди зикр аст, ки барои сари вақт ва беталаф ҷамъоварӣ намудани ҳосили ғалладонагиҳо дар ҷумҳурӣ 1020 адад комбайнҳои ғалладарав сафарбар карда шуда, 616 адади онҳо дар айни замон мавриди истифодабарӣ қарор доранд.
23 июл дар Донишгоҳи давлатии тиббӣ ва Донишгоҳи давлатии омӯзгорӣ нишасти матбуотӣ баргузор мегардад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
