Кумитаи кор бо занон ва оила барои муайян намудани нишондиҳандаҳои зӯроварӣ дар оила тадқиқоти сотсиологӣ анҷом дод
ДУШАНБЕ, 28.07.2017 /АМИТ «Ховар»/. Дар нимсолаи аввали соли равон дар Ҷумҳурии Тоҷикистон 7 ҳазору 503 адад ақди никоҳ ба қайд гирифта шуд, ки нисбат ба соли гузашта 2 ҳазору 146 адад кам мебошад. Дар ин бора имрӯз зимни нишасти матбуотӣ муовини аввали Раиси Кумитаи кор бо занон ва оилаи назди Ҳукумати Ҷумҳурии Тоҷикистон Марҳабо Олимӣ иттилоъ дод.
Мавсуф дар мавриди сабабҳои ҷудошавии оилаҳои ҷавон гуфт, ки дахолати хешу табори наздик, нофаҳмӣ, омода набудани ҷавонон ба ҳаёти мустақилона ва таваллуди кӯдакони маъюб омилҳои асосии пошхӯрии оилаҳои ҷавон маҳсуб мешаванд.
«Сабаби дигари ба ҷудошавӣ омада расидани оила-зӯроварии хонаводагӣ мебошад. Имрӯз Кумитаи кор бо занон ва оилаи назди Ҳукумати Ҷумҳурии Тоҷикистон барои пешгирии зӯроварӣ корҳои зиёд иҷро намудааст. Аз ҷумла, бо мақсади амалисозии Қонуни Ҷумҳурии Тоҷикистон «Дар бораи пешгирии зӯроварӣ дар оила», «Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» дар ҳамкорӣ бо лоиҳаи «Пешгирии зӯроварии хонаводагӣ» барои муайян намудани нишондиҳандаҳои зӯроварӣ дар оила дар ҷумҳурӣ тадқиқоти сотсиологӣ анҷом дод»,- иброз дошт Марҳабо Олимӣ.
Тибқи иттилои муовини аввали Раиси Кумитаи кор бо занон ва оилаи назди Ҳукумати Ҷумҳурии Тоҷикистон, соли равон қайди давлатии бекор кардани ақди никоҳ 5 ҳазору 40 ададро ташкил намуд, ки ин нисбат ба ҳамин давраи соли 2016 5 16 адад зиёд мебошад.
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
