Нишасти матбуотии Вазорати энергетика ва захираҳои об, роҳбарияти шаҳри Душанбе ва ноҳияҳои он дар толори Маркази матбуоти ҷумҳуриявии «Ховар» гузаронида мешаванд

ДУШАНБЕ, 24.07.2017 /АМИТ «Ховар»/. Пагоҳ, 25 июли соли 2017 дар толори Маркази матбуоти ҷумҳуриявии «Ховар» оид ба натиҷаҳои фаъолияти нимсолаи аввали соли ҷорӣ   нишастхои матбуотии роҳбарияти Вазорати энергетика ва захираҳои об, шаҳри Душанбе ва ноҳияҳои он, Агентии хоҷагии ҷангал ва Муассисаи давлатии «Маркази идораи лоиҳаи рушди чорводорӣ ва чарогоҳҳо» гузаронида мешаванд.

Нишасти матбуотии Муассисаи давлатии «Маркази идораи лоиҳаи рушди чорводорӣ ва чарогоҳҳо» соати 9:00,  нишасти матбуотии Агентии хоҷагии ҷангал соати 11:00, нишасти матбуотии Мақомоти иҷроияи ҳокимияти давлатии шаҳри Душанбе ва ноҳияҳои он соати 14:00  ва нишасти матбуотии Вазорати энергетика ва захираҳои об соати 16:00 дар толори маркази матбуоти ҷумҳуриявии «Ховар» (хиёбони Рӯдакӣ, 40) таъйин шудаанд.

Хотиррасон мешавем, ки мутобиқи Амри Президенти Ҷумҳурии Тоҷикистон аз 15 сентябри соли 2011 №АП-1729 вазорату идораҳо ва ташкилоту муассисаҳои мамлакат баъд аз ҷамъбасти натиҷаҳои фаъолияти шашмоҳа ва солона ҳар сол ду маротиба нишастҳои матбуотӣ баргузор карда, ба саволҳои намояндагони ВАО   посух медиҳанд.