Нуриддин Саид: «Санҷишҳо нишон медиҳанд, ки сифати таҳсилот дар муассисаҳои таълимӣ сол ба сол беҳтар шуда истодааст»

Июль 10, 2017 17:46

ДУШАНБЕ, 10.07.2017 /АМИТ «Ховар»/. Имрӯз Вазорати маориф ва илми Ҷумҳурии Тоҷикистон оид ба ҷамъбасти нимсолаи якуми соли равон бо иштироки намояндагони воситаҳои ахбори омма нишасти матбуотӣ доир  намуд.

Дар нишаст Вазири маориф ва илм Нуриддин Саид зикр  кард, ки  санҷишҳои дар се соли охир гузаронида аз он гувоҳӣ медиҳанд, ки азхудкунии  барномаҳои таълимӣ аз ҷониби хонандагон ва сифати таҳсилот дар муассисаҳои таълимӣ сол ба сол беҳтар шуда истодааст. Дар маҷмӯъ, дар ҷумҳурӣ азхудкунии барномаҳои таълимӣ ва сифати таҳсилот дар соли 2013  — 73.3 ва 32.7%, соли 2014- 74.1 ва 34.2%, соли 2015 -75.1 ва 35.5% ва соли 2016 — 77.8 ва 37.3%-ро ташкил додааст.

Нуриддин Саид ҳамчунин зикр кард, ки дар нимсолаи аввали соли равон  аз тамоми сарчашмаҳои маблағгузорӣ  бинои 10 муассисаи таҳсилоти миёнаи умумӣ барои 4340 ҷойи нишаст ва 7 муассисаи таҳсилоти томактабӣ барои 840 ҷойи нишаст сохта ба истифода  дода шудааст.

Вазири маориф ва илми ҷумҳурӣ  ба суоли хабарнигори АМИТ «Ховар» дар мавриди дар минтақаҳои кӯҳистони ҷумҳурӣ фаъолият доштани  мактабҳои хонагӣ посух дода,  зикр кард, ки  дар ҳақиқат  дар   муқоиса ба 70 соли собиқ Иттиҳоди Шӯравӣ   дар 25-соли  соҳибистиқлолии кишвар  сохтмони мактабҳои замонавӣ  ба маротиб  афзуда бошад ҳам,  вале дар   деҳаҳои  дурдасти кӯҳистон, ки баъзе аз аҳолӣ  бо мақсади обод кардани    ватани бобоӣ ба он ҷойҳо кӯч бастаанд, ҳанӯз ҳам чунин мактабҳо фаъолият доранд. Номбурда таъкид намуд, ки Вазорати  маориф ва илми ҷумҳурӣ  талош дорад, ки дар ояндаи наздик   чунин мактабҳоро, ки ба талаботи замон ҷавобгӯ нестанд, бо муассисаҳои муосири таълимӣ  иваз намояд. Ба иттилои Вазир, дар ин самт тадбирҳои зарурӣ андешида шудаанд.

Дар нишаст ҳамчунин дар  иртибот ба суолҳои хабарнигорон зикр гардид, ки  дар мавсими тобистонаи соли 2017 аз  ҷумла 4877 лагеру мавзеъҳои истироҳатии хонандагон, 56 лагери беруназшаҳрӣ, 2614 наздимактабӣ, 186 истироҳатию меҳнатӣ, 530 варзишию солимгардонӣ ва 141 таълимӣ-фароғатӣ барои хонандагони синфҳои болоӣ ба нақша гирифта шудааст, ки онҳо 146 753 нафарро фаро мегиранд.

Июль 10, 2017 17:46

Хабарҳои дигари ин бахш

Имрӯз дар Тоҷикистон ҳавои тағйирёбанда пешгӯӣ мешавад
Намояндагони Тоҷикистон дар Гурҷистон ва Арманистон мубодилаи донишу таҷриба менамоянд
СОЛИ МАЪРИФАТИ ҲУҚУҚӢ. Бахшида ба он дар ноҳияи Нуробод бо сокинон вохӯрӣ доир шуд
Имрӯз дар баъзе минтақаҳои Тоҷикистон чангу ғубор дар назар аст
Ҳайати Тоҷикистон дар ҷаласаи 65-уми Ассамблеяи Созмони ҷаҳонии моликияти зеҳнӣ иштирок намуд
Дар минтақаи Искандаркӯл давраи омӯзишии «Мубодилаи таълимӣ ва амалии намояндагони «Нозирони сабз» -2024» гузаронида шуд
Барои ҷавонони Тоҷикистон мактаби тобистонаи зиддикоррупсионӣ ташкил карда мешавад
ИСТИҚЛОЛИ ДАВЛАТӢ ВА ҲИФЗИ ДАСТОВАРДҲОИ ОН. Бо сокинону фаъолони ноҳияи Ҳамадонӣ вохӯрӣ доир шуд
12 ИЮЛ — РӮЗИ БАЙНАЛМИЛАЛИИ МУБОРИЗА БО ТӮФОНИ РЕГУ ЧАНГ. Дар Тоҷикистон тибқи Барномаи «Мамлакати сабз» то соли 2040 беш аз 2 миллиард дарахт шинонида мешавад
«ЗИМЧУРУД». Дар ин ҷо 1000 нафар хонанда ба истироҳат фаро гирифта мешавад
Имрӯз дар Тоҷикистон ҳаво то 37 дараҷа гарм мешавад
Кумитаи ҳифзи муҳити зист ба вилояти Хатлон 13 электромотороллер тақдим намуд