Раиси Кумитаи андози назди Ҳукумати Ҷумҳурии Тоҷикистон: «Буҳрони ҷаҳонӣ сабабгори аслии иҷро нагардидани нақшаи андози иҷтимоӣ гардид»
ДУШАНБЕ, 21.07.2017 /АМИТ «Ховар»/. Дар шаш моҳи соли равон иҷрои нақшаи андозҳо ва дигар пардохтҳои ҳатмӣ аз ҷониби Кумитаи андози назди Ҳукумати Ҷумҳурии Тоҷикистон ба андозаи 102,1 % таъмин гардида, ба ҷойи 4 млрд. 466,3 млн. сомонии пешбинишуда ба буҷет 4 млрд. 559,1 млн. сомонӣ ворид карда шуд, ки ин нисбат ба нишондиҳандаҳои нақшавӣ 92,9 млн. зиёд мебошад. Ин нуктаро имрӯз Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода зимни нишасти матбуотӣ иброз дошт.
Бино ба иттилои Нусратулло Давлатзода, дар шашмоҳаи аввали соли 2017 дар ҷумҳурӣ 296 122 адад субъектҳои хоҷагидор фаъолият менамоянд, ки то ба ҳолати 1 июли соли 2017-ум 7439 адад зиёд шудааст.
Роҳбари мақомоти давлатии андози кишвар ҳамзамон иттилоъ дод, ки нақшаи андози иҷтимоӣ аз ҳисоби корхонаҳои ғайрибуҷетӣ дар давраи ҳисоботӣ ба андозаи 96,9 % таъмин карда шуд ва дар натиҷа ба ҷойи 758,9 млн. сомонии пешбинишуда ба буҷети Агентии суғуртаи иҷтимоӣ ва нафақа 735,8 млн. сомонӣ ворид карда шуд, ки нисбат ба нақша 23,2 млн. сомонӣ кам мебошад.
«Таҳлилу омӯзишҳо нишон медиҳанд, ки сабабҳои асосии таъмин нагардидани иҷрои нақшаи андози иҷтимоӣ аз ҳисоби корхонаҳои ғайрибуҷетӣ дар он аст, ки дар нимсолаи аввали соли 2017 бинобар таъсири буҳрони ҷаҳонии иқтисодӣ ва вобаста ба он ногувор гардидани шароити молиявии андозсупорандагон музди меҳнат дар як қатор корхонаҳо кам афзоиш ёфта, дар баъзе корхонаҳои дигар шумораи коргарон нисбатан кам шуд»,-зикр намуд Раиси Кумитаи андози назди Ҳукумати Ҷумҳурии Тоҷикистон.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
