Рамазон Раҳимзода аз омодагиҳо ба мавсими тирамоҳу зимистонгузаронии мақомоти милитсияи Суғд дидан мекунад
ДУШАНБЕ, 12.07.2017 /АМИТ «Ховар»/. Имрӯз дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои дохилии Ҷумҳурии Тоҷикистон генерал-лейтенанти милитсия Рамазон Раҳимзода ба вилояти Суғд сафари корӣ доир намуд.
Тавре аз Вазорати корҳои дохилӣ хабар доданд, сафари вазир қабл аз ҳама бо мақсади шиносоӣ аз рафти корҳои ободониву созандагӣ, мавриди истифода қарор додани бинову иншоотҳои навбунёди мақомот, боздид аз рафти ҷамъоварии ҳосил дар хоҷагиҳои ёрирасони Раёсати ВКД дар вилояти Суғд ва мулоқот бо масъулини мақомоти милитсияи вилоят доир ба омодагиҳо ба мавсими тирамоҳу зимистони солҳои 2017-2018 сурат мегирад.
Дар доираи сафари корӣ Вазири корҳои дохили Ҷумҳурии Тоҷикистон Рамазон Раҳимзода ба Раёсати ВКД дар вилояти Суғд ташриф оварда, ҷиҳати бунёди хобгоҳи замонавӣ барои кормандони Дастаи таъиноти махсуси милитсия бо навиштани нома ба наслҳои оянда санги асос гузошт. Ҳамчунин Вазири корҳои дохилӣ зимни шиносоӣ бо лоиҳаи иншооти навбунёд ба роҳбарияти мақомоти корҳои дохилии вилоят ва ширкати сохтмонӣ ҷиҳати бо сифати баланд анҷом додани корҳои сохтмонӣ дастурҳои иловагӣ дод.
Ба иттилои манбаъ бинои мазкур дар арафаи ҷашни «26-солагии Истиқлолияти давлатии Ҷумҳурии Тоҷикистон» мавриди истифода қарор дода мешавад.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
