Раёсати минтақавии гумрукӣ дар ВМКБ аз қочоқи 400 шиша арақ дар марз бо Қирғизистон ҷилавгирӣ кард
ХОРУҒ, 25.07.2017 /АМИТ «Ховар»/. Кормандони шуъбаи мубориза бар зидди ҳуқуқвайронкунии гумрукии Раёсати минтақавии гумрукӣ дар Вилояти Мухтори Кӯҳистони Бадахшон дар дидбонгоҳи Қизиларти ноҳияи Мурғоб як нафар тоҷири Ҷумҳурии Қирғизистонро бо 400 шиша арақи бидуни ҳуҷҷатҳои зарурӣ боздошт намуданд. Ба гуфтаи нозири калони ин шуъба Манучеҳр Навбаҳоров, дар чанд моҳи охир бисёр тоҷирону соҳибкорони кишвари ҳамсоя бо гуноҳи интиқоли ғайриқонунии маводи худсохти спиртӣ дар ин дидбонгоҳ дастгир карда мешаванд. Чанд ҳафта пеш низ як шаҳраванди ин ҷумҳурӣ бо номи Мавлонова бо 720 шиша арақи дорои спирти этилӣ, ки мехост ба бозори шаҳри Хоруғ ворид намояд, боздошт гардид ва арақҳо пас аз ташхис дар озмоишгоҳ мутобиқи ҳалномаи суд нобуд карда шуданд.
Нозири калони шуъбаи мазкур гуфт, ки ин 400 шиша арақ низ дар ташхисгоҳи бахши вилоятии «Тоҷикстандарт» мавриди ташхис қарор дода шуд. Ташхис маълум намуд, ки машруботи боздоштшуда худсохт буда, дар таркиби он моддаҳои зиёди зараровар мавҷуд аст.
Дар робита ба ин ҳодиса парвандаи ҷиноӣ боз шуда, корҳои тафтишотӣ идома доранд.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
