Роҳбарони саноат ва хоҷагии ҷангали ИДМ дар Беларус ҷамъ омаданд
ДУШАНБЕ, 20.07.2017 /АМИТ «Ховар»/. Аз 19 то 21 июли соли равон дар Беларус ҷаласаи байниҳукуматии Шӯро оид ба соҳаи саноати ҷангал ва хоҷагии ҷангали Иттиҳоди Давлатҳои Мустақил /ИДМ/ баргузор мегардад.
Дар ин бора ба АМИТ «Ховар» аз Агентии хоҷагии ҷангали назди Ҳукумати Ҷумҳурии Тоҷикистон иттилоъ доданд. Гуфта мешавад, ки дар ҷаласа дар қатори роҳбарону намояндагони идораҳои марбут ба саноати ҷангал ва хоҷагии ҷангали ИДМ намояндагони Ҷумҳурии Тоҷикистон низ иштирок доранд.
Интизор меравад, ки дар ҷаласа масъалаҳои вобаста ба тақвияти ҳамкорӣ миёни идораҳои соҳаи саноати ҷангал ва хоҷагии ҷангали кишварҳои ИДМ барраасӣ гарданд.
Бояд тазаккур дод, ки Шӯрои байниҳукуматӣ оид ба соҳаи саноати ҷангал ва хоҷагии ҷангали ИДМ 19 сол муқадам, соли 1998 бо мақсади ба роҳ мондан ва таҳкими ҳамкориҳо байни идораҳои саноати ҷангал ва хоҷагии ҷангали кишварҳои Иттиҳод созмон дода шудааст. Шӯро дар ҳайати худ кишварҳои Арманистон, Беларус, Молдова, Россия, Озарбойҷон, Тоҷикистон, Қазоқистон, Қирғизистон ва Ӯзбекистонро муттаҳид намудааст. Раиси Шӯрои байниҳукуматӣ оид ба соҳаи саноати ҷангал ва хоҷагии ҷангал дар ду сол як маротиба аз миёни яке аз роҳбарони идораҳои хоҷагии ҷангали ИДМ интихоб мегардад.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
