Шабакаи ягонаи иттилоотии ҷумҳуриявии БДА ба кор оғоз кард
ДУШАНБЕ, 22.07.2017 /АМИТ «Ховар»/. Имрӯз дар Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон муаррифии бунёди Шабакаи ягонаи иттилоотии ҷумҳуриявии Бозрасии давлатии автомобилӣ бо иштироки муовини Вазири корҳои дохилӣ генерал-майори милитсия Маҳмадсаид Саидзода, роҳбарияти Раёсати БДА ва шумораи зиёди хабарнигорони воситаҳои ахбори омма доир гардид.
Тавре хабарнигори АМИТ «Ховар» иттилоъ дод, Маҳмадсаид Саидзода ба роҳ мондани Шабакаи ягонаи иттилоотии Раёсати БДА ВКД-ро яке аз самтҳои асосии гузариш ба Ҳукумати электронӣ унвон карда, иброз дошт, ки он барои пешгирии садамаҳои роҳу нақлиёт, сари вақт пешниҳод намудани иттилооти зарурӣ ва осон намудани хизматрасонӣ ба шаҳрвандон мусоидат хоҳад кард.
«Мақсад аз коркард ва ҷорӣ намудани Шабакаи мазкур баланд бардоштани самаранокии фаъолияти ВКД тавассути истифодаи васеи технологияҳои иттилоотию коммуникатсионӣ, сода гардонидани тартиб ва кам кардани ҳуҷҷатҳо, коҳиш додани хароҷот, аз байн бурдани омилҳои коррупсионӣ, автоматикунонии ҳамкориҳои мутақобилаи байниидоравӣ дар ҷараёни қабул кардани қарорҳои идоравӣ, инчунин таъмини фаврият ва назорати натоиҷи фаъолияти таълимӣ мебошад»,-изҳор дошт Маҳмадсаид Саидзода.
Иттилоъ дода шуд, ки Вазорати корҳои дохилӣ ҷиҳати иҷроиши талаботи қарори Ҳукумати Ҷумҳурии Тоҷикистон «Дар бораи Консепсияи ташаккули Ҳукумати электронӣ дар Ҷумҳурии Тоҷикистон» аз 30 декабри соли 2011, аз соли 2014 ба бунёди Шабакаи ягонаи иттилоотии ҷумҳуриявии Бозрасии давлатии автомобилӣ шурӯъ намуда буд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
