Шералӣ Сиддиқзода: Фаъолияти Бунёди миллии иҷтимоии маблағгузории Тоҷикистон барои беҳтар намудани шароити таҳсил равона шудааст
ДУШАНБЕ, 26.07.2017 /АМИТ «Ховар»/. Имрӯз зимни нишасти матбуотии Бунёди миллии иҷтимоии маблағгузории Тоҷикистон директори иҷроияи ин ниҳод Шералӣ Сиддиқзода иброз дошт, ки Бунёди миллии иҷтимоии маблағгузории Тоҷикистон ҳоло дар доираи ду барнома фаъолият менамояд. Инҳо марҳилаи сеюми «Фондҳои ҷамоавӣ барои мусоидати рушди маълумоти асосӣ ва барқарорсозии инфрасохтори коммуналӣ» ва «Барномаи сохтмони мактабҳо ва инфрасохтори мувофиқ дар гурӯҳи ноҳияҳои минтақаи Рашт» мебошанд, ки муҳлати ниҳоии барномаҳо охири соли равон муайян карда шудааст.
Ба гуфтаи номбурда, маблағи умумии барномаҳои мазкур 11,7 миллион долларро ташкил менамояд, ки аз ин 7,4 миллион доллар ба вилояти Хатлон ва 4,3 миллион доллар ба ноҳияҳои минтақаи Рашт пешбинӣ шудааст.
«Мақсад ва вазифаи асосии барномаҳои «Фондҳои ҷамоавӣ барои мусоидати рушди маълумоти асосӣ ва барқарорсозии инфрасохтори коммуналӣ» ва «Барномаи сохтмони мактабҳо ва инфрасохтори мувофиқ дар гурӯҳи ноҳияҳои минтақаи Рашт» беҳтар намудани шароити таҳсил дар муассисаҳои таҳсилоти ибтидоӣ ва миёнаи умумии шаҳру ноҳияҳои минтақаҳои фарогир буда, дар ҷараёни он мактабҳои лоиҳавӣ бо мебелу таҷҳизоти зарурӣ таъмин карда мешаванд»,- гуфт директори иҷроияи Бунёди миллии иҷтимоии маблағгузории Тоҷикистон.
Ба иттилои Шералӣ Сиддиқзода, дар доираи барномаҳо сохтмони 28 бинои нави таълимӣ пешбинӣ шуда, биноҳо аз 8- 10 синфхона иборат мебошанд.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
