Сохтмони роҳи харобгаштаи деҳаи Ширговади Дарвоз оғоз ёфт
ХОРУҒ, 19.07.2017 /АМИТ «Ховар»/. Гурӯҳи махсуси Вазорати мудофиаи ҷумҳурӣ бо мақсади сохтмони роҳи нав ба таркондани кӯҳи азим шурӯъ намуд. Ин қитъаи роҳ 800 метр тӯл дошта, комилан аз кӯҳи хоро иборат аст.
Сардори идораи роҳсозии ноҳияи Дарвоз Сулаймон Муллоёров ба хабарнигори минтақавии АМИТ «Ховар» гуфт, ки роҳи пештара тамоман зери об монда, бунёди роҳи нав оғоз гардид. Таркондани кӯҳ ба зиммаи мутахассисони Вазорати мудофиа ва бунёди роҳ бошад, ба ӯҳдаи Вазорати нақлиёт ва як ширкати чинӣ гузошта шудааст.
Барои бунёди роҳи нав бояд 83 ҳазор метри кубӣ корҳои таркишӣ анҷом дода шаванд. Ба қавли мутахассисон, агар дар як рӯз то 500 метри кубӣ корҳои таркиширо анҷом диҳанд, баъди як моҳ роҳи нав аз камари кӯҳ ба рӯи мошинҳои мусофирбару боркаш кушода хоҳад шуд.
Дар айни ҳол мошинҳои мусофирбару боркаш ба воситаи ағбаи Хобурубот ҳаракат мекунанд. Азбаски сатҳи ин ағба хеле баланд аст, мошинҳои боркаши аз 40 тонна боло ба душворӣ онро тай мекунанд. Аксарияти соҳибони чунин мошинҳои боркаш аз баромадан ба ин ағба худдорӣ карда, интизори боз шудани роҳи нав мебошанд.
11 август дар Мақомоти иҷроияи ҳокимияти давлатии ноҳияи Рӯдакӣ нишасти матбуотӣ доир мегардад
«МЕЪМОР-2026». Озмуни ҷумҳуриявии беҳтарин лоиҳаҳои меъморӣ ва шаҳрсозӣ ҷамъбаст шуд
Имрӯз дар шаҳри Душанбе ҳаво то 39 дараҷа гарм мешавад
Дар Тоҷикистон истеҳсоли равғани растанӣ зиёд гардидааст
Имрӯз дар водиҳои Тоҷикистон ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
Дар Раёсати минтақавии гумрукӣ дар Бадахшон татбиқи Стратегияи давлатии муқовимат ба коррупсия баррасӣ шуд
Донишкадаи кӯҳию металлургии Тоҷикистон ҳамкориро бо 67 муассисаи илмӣ ва таълимии давлатҳои хориҷӣ густариш медиҳад
Имрӯз дар Душанбе ҳаво то 37 дараҷа гарм мешавад
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
