«Варзишгоҳи ҷавонӣ» — туҳфа ба ҷавонони ноҳияи Бобоҷон Ғафуров
Б. ҒАФУРОВ, 07.07.2017 /АМИТ «Ховар»/. Дирӯз дар шаҳраки Ғафурови ноҳияи Бобоҷон Ғафуров маҷмааи варзишӣ бо номи «Варзишгоҳи ҷавонӣ» дар шафати Қасри фарҳанги ноҳия мавриди истифода қарор дода шуд.
«Варзишгоҳи ҷавонӣ» дар доираи Соли ҷавонон бо кумаку мусоидати Мақомоти иҷроияи ҳокимияти давлатии ноҳияи Бобоҷон Ғафуров бунёд ёфта, аз толори калони машғулиятҳо ва майдончаи футболи хурд иборат мебошад.
Дар расми ифтитоҳи иншооти нави варзишӣ муовини Раиси ноҳия, масъулину мутахассисони шуъбаву бахшҳои мақомоти давлатӣ, устодону варзишгарон, сокинони маҳаллӣ ва дӯстдорони варзишу тарбияи ҷисмонӣ ширкат варзида, бунёди чунин варзишгоҳро қадамҳои устувор дар рушди варзишу тарбияи ҷисмонӣ арзёбӣ намуданд.
Тавре иттилоъ дода шуд, корҳои сохтмонӣ барои бунёди маҷмааи варзишӣ моҳи феврали соли 2017 оғоз гардида, аз ҷониби кормандону мутахассисони Ширкати маҳаллии «Диёри Нур» дар сатҳи баланд анҷом дода шудааст.
Дар ин ҷо барои машғул шудани ҷавонон ба варзиши гӯштин, футбол, волейбол, баскетбол, теннису дигар навъҳои он шароити зарурӣ фароҳам оварда шудааст.
Ҷавонони ноҳия бо изҳори қаноатмандӣ аз дастгириҳои давлату Ҳукумати мамлакат дар варзишгоҳи нав машғулияти аввалинро доир намуданд.
22 июл дар Прокуратураи генералӣ, Вазорати молия, Кумитаи андоз, агентиҳои назорати давлатии молиявӣ ва мубориза бо коррупсия ва суғуртаи иҷтимоӣ ва нафақа нишасти матбуотӣ баргузор мегардад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
