ФУТБОЛ: як ғалаба ва як бохти дастаи мунтахаби наврасони Тоҷикистон дар Мусобиқа барои дарёфти Ҷоми Президенти Қазоқистон
ДУШАНБЕ, 07.09.2017 /АМИТ «Ховар»/. Дастаи мунтахаби наврасони то 16-солаи Тоҷикистон дар бозии дуюм дар Мусобиқаи байналмилалӣ оид ба футбол барои Ҷоми Президенти Қазоқистон, ки дар шаҳри Талғар баргузор шуд, аз дастаи мунтахаби наврасони Ӯзбекистон бо ҳисоби 1:3 шикаст хӯрд.
Тавре аз Федератсияи футболи Тоҷикистон ба АМИТ «Ховар» иттилоъ доданд, дар Мусобиқа барои дарёфти Ҷоми Президенти Қазоқистон ҳашт даста ширкат доранд. Дастаҳо ба ду гурӯҳ тақсим шудаанд: гурӯҳи «А» – Албания, Гурҷистон, Қазоқистон ва Қирғизистон, гурӯҳи «В» – Қазоқистон-2, Россия, Тоҷикистон ва Ӯзбекистон. Бар асоси низомномаи Мусобиқа ғолибони гурӯҳҳо ба бозии ниҳоӣ роҳ меёбанд.
Бояд зикр кард, ки дастаи мунтахаби наврасони то 16-солаи Тоҷикистон дар нахустин бозиаш дар ин Мусобиқаи байналмилалӣ бар дастаи дуюми мунтахаби Қазоқистон бо ҳисоби калони 6:0 ғолиб омада буд.
Хотиррасон менамоем, ки футболбозони навраси тоҷик дар даври сеюми мусобиқа имрӯз, 7 сентябр бо ҳамсолонашон аз Россия қувваозмоӣ мекунанд. Ин бозӣ соати 13:00 бо вақти Душанбе оғоз меёбад.
Мусобиқа барои Ҷоми Президенти Қазоқистон барои дастаи мунтахаби наврасони Тоҷикистон марҳилаи омодагӣ ба мусобиқаи интихобии Чемпионати Осиё-2018 аст, ки аз 20 то 24 сентябр дар шаҳри Ҳисор барпо мегардад.
Ёдовар мешавем, ки дастаи мунтахаби наврасони Тоҷикистон дар ин мусобиқа дар гурӯҳи «В» бо дастаҳои Сурия, Молдив ва Уммон рақобат мекунад.
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
