Хонандагони деҳаи дурдасти Муни ноҳияи Шуғнон соли нави таҳсилро дар бинои замонавӣ оғоз карданд

Сентябрь 1, 2017 11:41

ХОРУҒ, 1.09.2017 /АМИТ «Ховар»/. Хонандагони муассисаи таҳсилоти миёнаи умумии рақами 28 ҷамоати Навободи ноҳияи Шуғнон аз бинои кӯҳна, ки дар аввали солҳои шастуми асри гузашта бунёд ёфта буд, ба бинои нав кӯчиданд.

Яке аз омӯзгорони собиқадори деҳа Даврон Сулаймонов гуфт, ки «бештар аз 50 соли умри худро ба таълиму тарбияи насли наврас сарф кардам ва ҳамеша аз тариқи шабакаҳои телевизионии кишвар биноҳои хуштарҳу замонавиро дида, орзу мекардам, ки замоне расаду кӯдакону наврасони деҳаи мо ҳам дар чунин биноҳо таълим гиранд.

Имрӯз бо дастгирии бевоситаи Пешвои миллат мо соҳиби чунин таълимгоҳи аз ҳар ҷиҳат зебо гардидем. Илова бар ин, таълимгоҳ бо таҷҳизоти муосири технологӣ таъмин аст, ки дар шароити кунунӣ бе технологияи муосир ба воя расондани кадрҳои хубу варзида ғайриимкон мебошад. Аз ин рӯ Пешвои миллат зимни суханронӣ дар назди омӯзгорону донишҷӯёни Академияи  Вазорати корҳои дохилии ҷумҳурӣ бори дигар аз аҳамияти омӯзиши фанҳои дақиқ ёдовар шуда, изҳор намуданд, ки «дар ҷараёни навсозӣ бояд ба омӯзиши фанҳои дақиқ, махсусан риёзӣ ва табиатшиносӣ, технологияҳои иттилоотиву коммуникатсионӣ ва забонҳои хориҷӣ, аз ҷумла русиву англисӣ эътибори ҷиддӣ дода шавад, зеро таълими самараноки ин фанҳо барои ояндаи Тоҷикистон ниҳоят муҳим буда, вусъат ёфтани тафаккури техникиву ҷаҳонбинии истеҳсолӣ шарти зарурии рушди соҳаҳои ҳаётан муҳими иқтисоди миллӣ мебошад».

Бинои мазкур бо маблағгузории Вазорати маориф ва илми ҷумҳурӣ бунёд ёфта, барои сохтмони он 3 миллион сомонӣ ҷудо карда шуд.

Сентябрь 1, 2017 11:41

Хабарҳои дигари ин бахш

Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд