Юрий Хачатуров: «Мушкилоти Афғонистон яке аз масъалаҳои асосии фазои СААД мебошад»
ДУШАНБЕ, 08.09.2017 /АМИТ «Ховар»/. Мушкилоти Афғонистон дар фазои Созмони аҳдномаи амнияти дастаҷамъӣ яке аз масъалаҳои асосӣ мебошад. Дар ин самт, давлатҳои аъзои Созмон тадбирҳои муштараки дастаҷамъона меандешанд. Дар ин бора имрӯз дар Душанбе пас аз мулоқот бо Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Котиби генералии СААД Юрий Хачатуров изҳор дошт.
Ба гуфтаи ӯ, зимни мулоқот бо Президенти Ҷумҳурии Тоҷикистон Эмомалӣ Раҳмон ҳамчунин масъалаи омодагӣ ба ҷаласаи Шӯрои амнияти дастаҷамъии СААД, ки 30 ноябр дар Минск баргузор мегардад, баррасӣ гардидааст. Барои ҷаласаи Шӯрои амнияти дастаҷамъӣ даҳҳо масъалаҳо омода гардида, дар марҳилаи баррасӣ қарор доранд.
«Дар фарҷоми мулоқот Президенти Ҷумҳурии Тоҷикистон Эмомалӣ Раҳмон ба ман дар фаъолиятам дар ин вазифаи пурмасъул комёбиҳо орзу намуданд», — зикр намуд Котиби генералии СААД Юрий Хачатуров.
Ёдовар мешавем, ки Юрий Хачатуров 2 майи соли 2017 Котиби генералии СААД таъйин гардида буд.
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
