АЗИМ ИБРОҲИМ: МУШКИЛОТИ АСОСӢ – ЭЪТИМОДБАХШ БУДАНИ МАЪЛУМОТ АСТ. Муовини Сарвазири мамлакат дар вилояти Суғд бо корҳои зимистонгузаронӣ шинос гардид

Октябрь 24, 2017 16:42

ДУШАНБЕ, 24.10.2017 /АМИТ “Ховар”/. Дар вилояти Суғд дар ҳузури муовини Сарвазири мамлакат Азим Иброҳим Ситоди ҷумҳуриявӣ оид ба омодагии вилоят ба давраи зимистони солҳои 2017-2018, андешидани тадбирҳои зарурӣ ҷиҳати таъмини рушди соҳаи саноати сабук (дӯзандагӣ) ва хӯрокворӣ (коркарди ширу гӯшт) баргузор гардид.

Муовини Сарвазир иброз намуд, ки мутобиқи нишондиҳандаҳои оморӣ, омодагии соҳаҳои хоҷагии халқи вилоят, аз ҷумла, маориф, тандурустӣ, фарҳанг, нигоҳдории роҳҳои автомобилгард ва қисмҳои ҳарбию низомӣ ба талабот ҷавобгӯй мебошанд, аммо мушкилоти асосӣ ин эътимодбахш будани маълумот мебошад. Зеро санҷиши гурӯҳи корӣ дар якчанд ҳолат номутобиқатии нишондиҳандаҳои ситодҳои вилоятиву ноҳиявиро дар мисоли субъектҳои шаҳру ноҳияҳо ошкор намуд. Масалан, дар гимназияи №1 ноҳияи Зафаробод нақша қисман иҷро шуда, дар муассисаи таҳсилоти томактабии №30 шаҳри Хуҷанд умуман то рӯзи санҷиши гурӯҳи корӣ ягон тонна ангишт ворид нашуда буд, аммо тибқи маълумоти ситодҳо гӯё пурра таъмин будаанд.

Чунин номутобиқатиҳоро гурӯҳи корӣ дар ноҳияҳои Айнӣ, Б.Ғафуров, Конибодом ва шаҳри Истаравшан низ ошкор намуд, ки дар маҷмӯъ омодагии воқеии вилоятро ба мавсими тирамоҳу зимистони қарибулвуқӯъ дар баъзе самтҳо зери суол мебарад.

Зикр шуд, ки захираи хӯроки чорво тибқи шакли тасдиқшудаи оморӣ ба Ситоди ҷумҳуриявӣ пешниҳод нашудааст, ки эҳтимолияти пайдошавии мушкилотро дар ҳолатҳои фавқулода бештар гардонида, ташвиши ситодро нисбат ба воқеан кам будани захираҳои хӯроки чорво боз ҳам зиёдтар гардонид.

Муовини Сарвазир махсус таъкид намуд, ки бо назардошти он, ки номутобиқатии нишондиҳандаҳои ситодҳо дар ВМКБ, Хатлон ва Суғд тасдиқи худро пайдо намуданд, ба гурӯҳи корӣ супориш дода мешавад, ки дар фасли зимистон санҷиши интихобиро ба роҳ монда, маълумоти муфассалро ба Ҳукумати Ҷумҳурии Тоҷикистон пешниҳод намояд.

Дар интиҳо муовини Сарвазир ба масъулини Ситоди вилоятӣ супориш дод, ки эътимоднок будани нишондиҳандаҳоро дар амал таъмин намуда, мушкилоти ҷойдоштаро сари вақт бартараф созанд.

 

Октябрь 24, 2017 16:42

Хабарҳои дигари ин бахш

Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид
Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт