Истиқоматкунандаи ноҳияи Рӯдакӣ барои муомилоти ғайриқонунии прекурсорҳо боздошт гардид
ДУШАНБЕ, 24.10.2017 /АМИТ «Ховар»/. Шаҳрванд Баҳромқул Худойқулов, соли таваллудаш 1983, истиқоматкунандаи ноҳияи Рӯдакӣ, ҷамоати Чимтеппа даст ба ҷинояти вазнин зада, муомилоти ғайриқонунии прекурсорҳоро ба миқдори махсусан калон анҷом додааст.
Тавре аз Хадамоти гумруки назди Ҳукумати Ҷумҳурии Тоҷикистон хабар доданд, номбурда аз моҳи сентябри соли 2016 дар дохили корхонаи шахсии худ- ҶДММ «Баҳром-2016», воқеъ дар деҳаи Гулбуттаи ҷамоати деҳоти Чимтеппаи ноҳияи Рӯдакӣ дар дохили зарфи пластмассии ғунҷоишаш 1000-литра 400 литр маҳсули кислотаи сулфатро бо мақсади коркард аз шахси номаълум дастрас карда, ғайриқонунӣ нигоҳ доштааст.
21 октябри соли 2017 ҳангоми гузаронидани корҳои фаврӣ-ҷустуҷӯӣ аз тарафи кормандони Раёсати ташкили мубориза бар зидди ҳуқуқвайронкуниҳои гумрукии Хадамоти гумрук прекурсори мазкур дарёфт ва тибқи протокол гирифта шуд.
Мувофиқи хулосаи ташхиси кимиёвӣ аз 23 октябри соли 2017, маводи аз шаҳрванд Б. Худойқулов гирифташуда прекурсори навъи кислотаи сулфат буда, вазни умумиаш 724 килограммро ташкил медиҳад.
Бо назардошти он, ки дар ҳаракатҳои Б. Худойқулов ва дигарон аломатҳои таркиби ҷиноят дида мешавад, дар асоси моддаҳои 140, 145, 146, 148, 161, 162, ва 168-и Кодекси мурофиавии Ҷумҳурии Тоҷикистон нисбат ба Б. Худойқулов ва дигарон бо моддаи 202, эзоҳи 1, қисми 3 банди «в» — и Кодекси Ҷиноятии Ҷумҳурии Тоҷикистон парвандаи ҷиноятӣ оғоз гардида, аз рӯи тобеияти тафтишотӣ ба Раёсати тафтишотии Вазорати корҳои дохилии Ҷумҳурии Тоҷикистон ирсол карда шуд.
Дабири кулли СММ барои дар сатҳи ҷаҳонӣ мубориза бурдан бо гармои шадид даъват намуд
Аз 27 июл то 1 август дар Тоҷикистон чангу ғубор ва дар баъзе ноҳияҳо омадани сел пешгӯӣ мешавад
Имрӯз дар Тоҷикистон ҳавои камабри бебориш пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
29 июл дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
Имрӯз дар Тоҷикистон ҳаво то 43 дараҷа гарм мешавад
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
